ଆଗପଛ ହୋଇ ଚାଲିଗଲେ ଦୁଇଭାଇ, ଦ୍ବାଦଶାହ କର୍ମରେ ଭାଇବୋହୂଙ୍କୁ ନେଇଗଲେ
ଭଦ୍ରକ: ଦୁଃଖ ଆସେ ତ ସାଥୀ ସହୋଦରଙ୍କୁ ନେଇ ଆସେ । ଏକା ସାଙ୍ଗରେ ପ୍ରାଣ ହରାଇଥିବା ଦୁଇଭାଇଙ୍କ ଦ୍ବାଦଶାହ କର୍ମ ଚାଲିଥିବାବେଳେ ଦୁର୍ଘଟଣାରେ ଆରପାରିକୁ ଚାଲିଗଲେ ଭାଇବୋହୂ । ଘଟଣା ଘଟିଛି ଭଦ୍ରକ ଜିଲ୍ଲା ଗୁଆମାଳ ଅଞ୍ଚଳରେ । ଗତ ମାସ ୨୭ ତାରିଖରେ ଘରର ବଡପୁଅ ଦୁର୍ଗାପ୍ରସାଦ ପାଣିଗ୍ରାହୀଙ୍କ ଦେହାନ୍ତ ହୋଇଯିବା ପରେ ପରିବାରରେ ଖେଳିଯାଇଥିଲା ଶୋକ ।
ଦୁର୍ଗାଙ୍କ ମୃତ୍ୟୁର କିଛି ଘଣ୍ଟା ପରେ ମଝିଆଁ ଭାଇ ହରପ୍ରସାଦ ବି ଚାଲିଯାଇଥିଲେ ଆରପାରିକୁ । ଗୋଟିଏ ଦିନରେ ଦୁଇ ଦୁଇ ଜଣଙ୍କ ମୃତ୍ୟୁରେ ସାରା ପରିବାର ଶୋକାକୁଳ ଥିବାବେଳେ ସେମାନଙ୍କ ଦ୍ବାଦଶାହ ଲାଗି ପ୍ରସ୍ତୁତି ଚାଲିଥିଲା । ଗତକାଲି ଘରର ସାନ ମଝିଆଁ ବୋହୂ ଭାରତୀ ପାଣିଗ୍ରାହୀ ଅଳିଆ ପକାଇବା ପାଇଁ ଯିବା ବେଳେ ଏକ ଅଜଣା ଗାଡ଼ି ଧକ୍କାରେ ଗୁରୁତର ଆହତ ହୋଇଥିଲେ ।
ତାଙ୍କୁ ଭଦ୍ରକ ମେଡିକାଲ ନିଆଯାଉଥିବାବେଳେ ସେଠାରେ ତାଙ୍କର ମୃତ୍ୟୁ ଘଟିଛି । ଏହି ଦୁଃଖଦ ଘଟଣା ସ୍ଥାନୀୟ ଅଞ୍ଚଳରେ ଶୋକର ବାତାବରଣ ସୃଷ୍ଟି କରିଛି ।
