ବୁଡ଼ିଗଲେ ୩ ଏମସିଏଲ କର୍ମଚାରୀ
ସମ୍ବଲପୁର: ବୁର୍ଲା ଝାଙ୍କରାଣୀ ମନ୍ଦିର ସ୍ଥିତ ଜିରୋ ପଏଣ୍ଟରେ ଅଘଟଣ । ବୁଡ଼ିଗଲେ ୩ ଜଣ ଏମସିଏଲ କର୍ମଚାରୀ । ଜଣଙ୍କୁ ଜୀବିତ ଉଦ୍ଧାର କରାଯାଇଥିବା ବେଳେ ଦୁଇ ଜଣ ନିଖୋଜ ଅଛନ୍ତି । ଖବର ପାଇବା ପରେ ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଞ୍ଚି ନିଖୋଜଙ୍କ ସନ୍ଧାନ ଆରମ୍ଭ କରିଛି ।
ଅଭିଯୋଗ ଅନୁସାରେ, ସକାଳେ ଜଣେ ଯୁବତୀଙ୍କ ସହିତ ୩ ଜଣ ଯୁବକ ମନ୍ଦିର ନିକଟରେ ଭୋଜି କରୁଥିଲେ । ପରେ ୩ ଜଣ ଡ୍ୟାମରେ ଗାଧୋଉଥିବା ସମୟରେ ବୁଡ଼ି ଯାଇଥିଲେ । ସମସ୍ତେ ଏମସିଏଲର ନବ ନିଯୁକ୍ତ କର୍ମଚାରୀ ବୋଲି ଜଣାପଡ଼ିଛି । ନିଖୋଜ କର୍ମଚାରୀମାନେ ହେଲେ ଏମସିଏଲର ମାଇନିଂ ମ୍ୟାନେଜର ମହେଶ ଛିତୋରି ଏବଂ ଅଭିଷେକ କୁମାର ।
ରାତି ହୋଇ ଯାଇଥିବା ବେଳେ ବର୍ଷା ହେଉଥିବାରୁ ଉଦ୍ଧାର କାର୍ଯ୍ୟରେ ସାମାନ୍ୟ ସମସ୍ୟା ହେଉଛି । ନିଖୋଜମାନେ ସେଠାକୁ ପ୍ରଥମ କରି ଆସିଥିବାରୁ ଜିରୋ ପଏଣ୍ଟ ସମ୍ପର୍କରେ ଜାଣି ନଥିବା ଓ ସେଠାକୁ ଗାଧୋଇବାକୁ ପଳାଥିବା ଅନୁମାନ କରାଯାଉଛି ।
