ଛତିଶଗଡ଼ର କାଙ୍କେର ଜିଲ୍ଲାରେ ଏନକାଉଣ୍ଟର, ୩ ମାଓବାଦୀ ନିହତ

ନନ୍ଦିଘୋଷ ବ୍ୟୁରୋ: ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡ଼ର କାଙ୍କେର ଜିଲ୍ଲାରେ ବଡ଼ ଧରଣର ଏନକାଉଣ୍ଟର। ଏଥିରେ ୩ ନକ୍ସଲ ନିହତ ହୋଇଛନ୍ତି। ସେମାନଙ୍କର ମୃତଦେହ ଉଦ୍ଧାର କରାଯାଇଛି। ଏହି ସୂଚନା ଦେଇଛନ୍ତି କାଙ୍କେର ଏସପି । ବର୍ତ୍ତମାନ ବି ସେହି ଅଞ୍ଚଳରେ କମ୍ଵିଂ ଚାଲିଛି। ସୁରକ୍ଷାକର୍ମୀମାନେ ଫେରିବା ପରେ ସଂପୂର୍ଣ୍ଣ ତଥ୍ୟ ମିଳିବ ବୋଲି ସେ କହିଛନ୍ତି। ଏହି ଏନକାଉଣ୍ଟର ହୋଇଛି କାଙ୍କେର ହେଡକ୍ଵାର୍ଟରରୁ ୩୦ କିଲୋମିଟର ଦୂର ଛିନ୍ଦଖରକ ଜଙ୍ଗଲରେ। ଯବାନ ଓ ମାଓବାଦୀଙ୍କ ମଧ୍ୟରେ ବହୁ ସମୟ ଧରି ଗୁଳି ବିନିମୟ ହୋଇଥିଲା।