ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୩ ଲସ୍କର-ଇ-ତୋଇବା ଆତଙ୍କବାଦୀ ନିପାତ୍

ଶ୍ରୀନଗର : ଜମ୍ମୁରେ ପୁଣି ଗୋଳାବାରୁଦ ବର୍ଷା । ଜାମ୍ମୁ କାଶ୍ମୀର ସୋପିଆନ ମୁଂଝ ମାର୍ଗରେ ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ସୁରକ୍ଷାକର୍ମୀଙ୍କ ଏନକାଉଣ୍ଟରରେ ୩ ଲସ୍କର-ଇ-ତୋଇବା ଆତଙ୍କବାଦୀ ନିପାତ ହୋଇଥିବା ସୂଚନା ମିଳିଛି । ସେମାନଙ୍କ ଠାରୁ ଗୋଟିଏ AK-47 ଓ ୨ଟି ପିସ୍ତଲ ଜବତ ହୋଇଛି । ମୃତ ୩ ଆତଙ୍କବାଦୀଙ୍କ ମଧ୍ୟରୁ ୨ଜଣଙ୍କ ପରିଚୟ ମିଳିଛି । ଲତିଫ୍ ଲୋନ୍ ନାମକ ଆତଙ୍କବାଦୀ କଶ୍ମୀର ପଣ୍ଡିତ ପୂରଣ କ୍ରିଷ୍ଣା ଭଟ୍ଟ ହତ୍ୟାକାଣ୍ଡରେ ସମ୍ପୃକ୍ତି ଥିଲା ।

ସେହିପରି ଉମେର ନାଜିର ନାମକ ଆତଙ୍କବାଦୀ ନେପାଳର ତିଲ୍ ବାହାଦୂର ଥାପା ହତ୍ୟାକାଣ୍ଡରେ ସାମିଲ ଥିଲା । ଏନେଇ କାଶ୍ମୀର ଏଡିଜିପି ସୂଚନା ଦେଇଛନ୍ତି । ସ୍ଥାନୀୟ ଅଞ୍ଚଳରେ ଏବେବି ସର୍ଚ୍ଚ ଅପରେଶନ ଜାରି ରହିଛି ।