କାର୍-ବାଇକ୍ ମୁହାଁମୁହିଁ ଧକ୍କା, ୩ ମୃତ

ଦଶପଲ୍ଲା: ନୟାଗଡ଼ ଜିଲ୍ଲା ଦଶପଲ୍ଲାରେ ମର୍ମନ୍ତୁଦ ଦୁର୍ଘଟଣା । ମୁହାଁମୁହିଁ ଧକ୍କା ହେଲେ କାର ଓ ବାଇକ୍ । ୩ ବାଇକ୍ ଆରୋହୀଙ୍କ ମୃତ୍ୟୁ । କାର ଆରୋହୀ ଗୁରୁତର । ଉଭୟ ଗାଡି ଦ୍ରୁତଗତିରେ ପରସ୍ପରକୁ ଦେଲେ ଧକ୍କା ।

ମୃତକମାନେ ଦଶପଲ୍ଲା ଅଞ୍ଚଳର ବୋଲି ଜଣାପଡ଼ିଛି । ସେମାନେ ଏକ ବାଇକରେ ଦ୍ରୁତଗତିରେ ଯାଉଥିବା ବେଳେ ବିପରୀତ ଦିଗରୁ ଏକ କାର ବି ଦ୍ରୁତ ଗତିରେ ଆସିଥିଲା । ଉଭୟ ଗାଡ଼ି ମୁହାଁମୁହିଁ ପିଟି ହେବା ପରେ ଘଟଣା ସ୍ଥଳରେ ୨ ବାଇକ୍ ଆରୋହୀଙ୍କ ମୃତ୍ୟୁ ଘଟିଥିବା ବେଳେ ମେଡିକାଳରେ ଜଣଙ୍କ ମୃତ୍ୟୁ ଘଟିଥିଲା । ଗୁରୁତର କାର ଚାଳକଙ୍କୁ ମେଡିକାଲରେ ଭର୍ତ୍ତି କରାଯାଇଛି । କାର ଚାଳକ ଜଣଙ୍କ ମଦ୍ୟପାନ କରି ଗାଡ଼ି ଚଳାଉଥିଲେ ବୋଲି ଅଭିଯୋଗ ହୋଇଛି ।

କାରଟି ବୌଦ୍ଧରୁ ଭୁବନେଶ୍ବର ଯାଉଥିବା ବେଳେ ବାଇକଟି ନୟାଗଡ଼ରୁ ଦଶପଲ୍ଲା ପଟକୁ ଯାଉଥିଲା । ପୋଲିସ ଉଭୟ ଗାଡ଼ିକୁ ଜବତ କି ଘଟଣାର ତଦନ୍ତ ଆରମ୍ଭ କରିଛି ।