ଉପରୁ ଆସିଲା ମୃତ୍ୟୁ, ଚାଲିଗଲା ୩ ଜଣଙ୍କର ଜୀବନ

ନବରଙ୍ଗପୁର: ବଜ୍ରାଘାତରେ ଚାଲିଗଲା ୩ ଜଣଙ୍କର ଜୀବନ । ପୋଖରୀକୁ ଶୌଚ ପାଇଁ ଯାଇଥିବା ବେଳେ ଆସିଲା ମୃତ୍ୟୁ । ଏଭଳି ଏକ ଘଟଣା ଘଟିଛି ନବରଙ୍ଗପୁର ଜିଲ୍ଲା ଚଟାହାଣ୍ଡି ଗାଁ ନିକଟ ବାଉଁସିୟାଗୁଡ଼ା ଗାଁରେ । ସୂଚନା ଅନୁଯାୟୀ ସନ୍ଧ୍ୟା ସମୟରେ ଗାଁର ତିନିଜଣ ସାଙ୍ଗ ସବୁଦିନ ଭଳି ଆଜି ମଧ୍ୟ ପୋଖରୀ କୁ ଶୌଚ ହେବାକୁ ଯାଇଥିଲେ । ସେହି ସମୟରେ ପ୍ରବଳ ବର୍ଷା ସହ ବଜ୍ରପାତ ହୋଇଥିଲା ।

ବଜ୍ରପାତ ରେ ତିନିଜଣ ଗୁରୁତ୍ୱର ହେବା ପରେ ସମସ୍ତଙ୍କୁ ଗ୍ରାମବାସୀମାନେ ନବରଙ୍ଗପୁର ମେଡିକାଲ କୁ ସ୍ଥାନାନ୍ତର କରିଥିଲେ । ସେଠାରେ ଡାକ୍ତର  ତିନିଜଣଙ୍କୁ  ମୃତ ଘୋଷଣା କରିଥିଲେ । ମୃତକ ମାନେ ହେଲେ ଲଳିତ ବିନ୍ଧାଣି, ମତିରାମ ବିନ୍ଧାଣି , କଦମ ହରିଜନ ବୋଲି ଜଣାପଡିଛି । ସମସ୍ତଙ୍କ ବୟସ ପ୍ରାୟ ୧୬ ରୁ ୧୮ ବର୍ଷ ମଧ୍ୟରେ ହବବୋଲି ସୂଚନା ମିଳିଛି ।