ପାଟଣା: ବିହାରରେ ପୁଣି ମଦ ମୃତ୍ୟୁ। ଡ୍ରାଏ ଷ୍ଟେଟରେ ବିଷାକ୍ତ ମଦ ପିଇ ୩ ଜଣଙ୍କର ମୃତ୍ୟୁ ହୋଇଛି। ସିଓ୍ବାନ ଜିଲ୍ଲା ବାଲା ଗ୍ରାମରେ ବିଷାକ୍ତ ମଦ୍ୟପାନ କରି ୩ ଜଣଙ୍କର ମୃତ୍ୟୁ ହୋଇଥିବା ବେଳେ ପ୍ରାୟ ୧୦ଜଣ ଗୁରୁତର ହାଇଛନ୍ତି। ଗୁରୁତରମାନଙ୍କୁ ସଦର ହସ୍ପିଟାଲରେ ଭର୍ତ୍ତି କରାଯାଇଛି। ଖବରପାଇ ଜିଲ୍ଲା ମାଜିଷ୍ଟ୍ରେଟ୍ ଅମିତ କୁମାର ହସ୍ପିଟାଲରେ ପହଞ୍ଚି ଘଟଣାର ତଦନ୍ତ କରିଛନ୍ତି। ଘଟଣାରେ ପୋଲିସ ୧୦ଜଣଙ୍କୁ ଗିରଫ କରିଛି ।
ଗତ ଡିସେମ୍ବରରେ ବିହାରର ସରଣ ଜିଲ୍ଲାରେ ବିଷାକ୍ତ ମଦ ପିଇ ପ୍ରାୟ ୭୦ଜଣଙ୍କର ମୃତ୍ୟୁ ହୋଇଥିଲା। ଘଟଣାର ତଦନ୍ତ ପାଇଁ ରାଜ୍ୟ ସରକାର SIT ଗଠନ କରିଥିବା ବେଳେ ଚୋରା ମଦ ବ୍ୟବସାୟରେ ସମ୍ପୃକ୍ତି ଅଭିଯୋଗରେ ଅନେକଙ୍କୁ ଗିରଫ କରିଥିଲା ଟିମ୍। ସରଣ ଜିଲ୍ଲାରେ ମଦ ମୃତ୍ୟୁ ଘଟଣା ପୁରା ଦେଶରେ ଚହଳ ପକାଇଥିବା ବେଳେ ସେଠାକାର ପୋଲିସ ଚୋରାମଦ କାରବାରରେ ସମ୍ପୃକ୍ତ ଥିବା ଅଭିଯୁକ୍ତଙ୍କ ଧରିବାକୁ ଧରପଗଡ଼ ଚଳାଇଥିଲା।
