ପାଣି ବୋତଲ ଚୋରି କରିଥିଲେ, ମାସେ ହେଲାଣି ମିଳୁନି ପତ୍ତା
ରାଉରକେଲା: ଏକ ମାସ ଧରି ୩ ନାବାଳକ ନିଖୋଜ । ସେମାନଙ୍କ ପତ୍ତା ମିଳୁନଥିବା ବେଳେ ପୋଲିସ ସର୍ଚ୍ଚ ଅପରେସନ ଜାରି ରଖିଛି । ରାଉରକେଲା ମାଲଗୋଦାମ ବସ୍ତିର ୩ ଶିଶୁ ନିଖୋଜ ହୋଇଯାଇଛନ୍ତି । ମାଡ଼ ଭୟରେ କେଉଁ ଆଡେ ଫେରାର ହୋଇ ଯାଇଥିବା ଅଭିଯୋଗ କରିଛନ୍ତି ପରିବାର।
ମାଲଗୋଦାମ ବସ୍ତିର ଏକ ଦୋକାନରୁ ପାଣି ବୋତଲ ଚୋରି କରିଥିବା ସନ୍ଦେହରେ ଦୋକାନୀ ଶିଶୁଙ୍କୁ ମାଡ ମାରିବା ସହ ସେମାନଙ୍କ ସାଇକେଲ ଛଡ଼ାଇ ରଖିଥିଵା ଅଭିଯୋଗ ହୋଇଛି । ଚୋରି ସମ୍ପର୍କରେ ଘରେ ଜାଣିଦେବା ଓ ମାଡ଼ ଭୟରେ ଗତମାସ ୨୮ ତାରିଖରୁ ତିନି ଜଣ ଶିଶୁ କେଉଁଆଡେ ଚାଲିଯାଇଛନ୍ତି ।
ନିଖୋଜ ନେଇ ଉଦିତନଗର ଥାନାରେ ଅଭିଯୋଗ ହୋଇଛି । ଅଭିଯୋଗ ପରେ ପୋଲିସ ପକ୍ଷରୁ ଶିଶୁଙ୍କୁ ଉଦ୍ଧାର କରିବା ପାଇଁ ଉଦ୍ୟମ ଜାରି ରହିଛି। ନିଖୋଜ ତିନି ଶିଶୁ ହେଲେ ଦୁଇଭାଇ ୧୩ ବର୍ଷୀୟ ସୁରଜ ମୁଣ୍ଡାରୀ, ୧୦ ବର୍ଷୀୟ ଆକାଶ ମୁଣ୍ଡାରୀ ଏବଂ ଅନ୍ୟଜଣେ ୧୦ ବର୍ଷୀୟ ସୁବାସ ସର୍ଗୀପାଦୀୟ ।
