୩୦ ଲକ୍ଷ ଟଙ୍କାର ଗଞ୍ଜେଇ ବୋଝେଇ କାର ଜବତ, ୩ ଗିରଫ

କୋରାପୁଟ : 30 ଲକ୍ଷ ଟଙ୍କାର ଗଞ୍ଜେଇ ବୋଝେଇ କାର ଜବତ । ଜିପ ସହ 3ଜଣକୁ ଗିରଫ କଲା କୋରାପୁଟର ଲମତାପୁଟ ଏବଂ ମାଛକୁଣ୍ଡ ପୋଲିସ l ସୀମାନ୍ତ ଆନ୍ଧ୍ରପ୍ରଦେଶରୁ ଗଞ୍ଜେଇ ଚୋରା ଚାଲାଣ ହେଉଥିବା ନେଇ ଖବର ପାଇ ମାଫିଆଙ୍କୁ ଅଟକାଇବା ପାଇଁ ଚେଷ୍ଟା କରୁଥିଲା ପୋଲିସ । ହେଲେ ମାଫିଆ ମାନେ ପୋଲିସର ଗାଡିକୁ ଧକ୍କା ଦେଇ ଖସିଯିବାକୁ ଚେଷ୍ଟା କରିଥିଲେ l ପୋଲିସ ଗାଡ଼ିଟି ରାସ୍ତା କଡକୁ ଖସିପଡ଼ିଥିଲେ ମଧ୍ୟ ମାଫିଆଙ୍କୁ କାବୁ କରିବାରେ ସଫଳ ହୋଇଥିଲେ l ଗାଡିକୁ ଯାଞ୍ଚ କରିବାରୁ ଏକ କୁଇଣ୍ଟାଲରୁ ଉର୍ଦ୍ଧ ଗଞ୍ଜେଇ ବାହାରିଥିଲା l ସେପଟେ ମାଛକୁଣ୍ଡ ପୋଲିସ ହନୁମାଲ ଗ୍ରାମ ନିକଟରୁ ଏକ ଜିପକୁ ଅଟକାଇ ଯାଞ୍ଚ କରିବାରୁ ପ୍ରାୟ 190 କେଜି ଗଞ୍ଜେଇ ଜବତ କରିଥିବା ବେଳେ ଜଣକୁ ଗିରଫ କରିଛି ପୋଲିସ l ଏହି ଗଞ୍ଜେଇ ମାଲକାନଗିରି ଜିଲ୍ଲା ଦେଇ ଛତିଶଗଡ଼ ଚାଲାଣ ହେଉଥିଲା l