RBI ଅଫିସ ଉଡାଇଦେବାକୁ ଇମେଲ୍ରେ ଧମକ, ଗୁଜୁରାଟରୁ ୩ ଗିରଫ
1 min read
ମୁମ୍ବାଇ: ଦେଶର ଆର୍ଥିକ ରାଜଧାନୀ ମୁମ୍ବାଇକୁ ମାଡି ଆସୁଛି ବିପଦ । ଦିନକ ପୂର୍ବରୁ RBI ଅଫିସ୍କୁ ଉଡାଇଦେବା ପାଇଁ ଧମକ ଦେଇଥିଲେ। ଇମେଲରେ ଧମକ ମିଳିବା ପରେ ମୁମ୍ବାଇ କ୍ରାଇମ ବ୍ରାଞ୍ଚ ୩ ଜଣଙ୍କୁ ଗିରଫ କରିଛି । ଗୁଜୁରାଟର ବରୋଦରାରୁ ତିନି ଜଣଙ୍କୁ ଗିରଫ କରି ମୁମ୍ବାଇ ଅଣାଯାଉଛି । ସେଠାରେ ସେମାନଙ୍କୁ ପଚରା ଉଚୁରା କରାଯିବ ।
ତିନି ଅଭିଯୁକ୍ତ RBIକୁ ମେଲ୍ ପଠାଇ ୧୧ଟି ସ୍ଥାନରେ ବିସ୍ଫୋରଣ କରିବା ପାଇଁ ଧମକ ଦେଇଛନ୍ତି । ଧମକ ପଛର କାରଣ ସ୍ପଷ୍ଟ ହୋଇନାହିଁ । ଇମେଲରେ RBIର ନୂଆ କାର୍ଯ୍ୟାଳୟ, ଚର୍ଚ୍ଚଗେଟରେ ଥିବା HDFC ଓ ବାନ୍ଦ୍ରା କୁର୍ଲା କ୍ୟାମ୍ପସରେ ଥିବା ICICI ବ୍ୟାଙ୍କରେ ବୋମା ବିସ୍ଫୋରଣ ପାଇଁ ଧମକ ଦିଆଯାଇଛି।
ଇମେଲ ପଠାଇଥିବା ବ୍ୟକ୍ତି ଅର୍ଥମନ୍ତ୍ରୀ ନିର୍ମଳା ସୀତାରମଣ ଓ RBI ଗଭର୍ଣ୍ଣର ଶକ୍ତିକାନ୍ତ ଦାସ ନିଜ ପଦରୁ ଇସ୍ତଫା ଦେବା ପାଇଁ ଚେତାବନୀ ଦେଇଛନ୍ତି ।ସେହିପରି ବ୍ୟାଙ୍କିଂ ଦୁର୍ନୀତିର ଏକ ବିସ୍ତୃତ ବିବୃତ୍ତି ଦେବାପାଇଁ ଇମେଲରେ ଉଲ୍ଲେଖ ଅଛି ।
