ରାଜ୍ଯରେ ସରିଲା ଦ୍ବିତୀୟ ପର୍ଯ୍ୟାୟ ନିର୍ବାଚନ, ମୋଟ ୬୦. ୭୨ ପ୍ରତିଶତ ମତଦାନ ଗ୍ରହଣ

ନନ୍ଦିଘୋଷ ବ୍ୟୁରୋ : ରାଜ୍ଯରେ ସରିଲା ଦ୍ବିତୀୟ ପର୍ଯ୍ୟାୟ ନିର୍ବାଚନ । ୫ ଲୋକସଭା ନିର୍ବାଚନମଣ୍ଡଳି ଏବଂ ଏ ଅଧୀନରେ ଥିବା ୩୫ ବିଧାନସଭା ନିର୍ବାଚନମଣ୍ଡଳିରେ ମତାଧିକାର ସାବ୍ଯସ୍ତ କଲେ ଜନତା। ଇଭିଏମରେ ସିଲ୍ ହେଲା ୩ ଶହ ୫ ଜଣ ପ୍ରାର୍ଥୀଙ୍କ ଭାଗ୍ୟ। ରାଜ୍ୟରେ ମୋଟ ୬୦. ୭୨ ପ୍ରତିଶତ ମତଦାନ ହୋଇଛି। ଓଡ଼ିଶାରେ ଦ୍ଵିତୀୟ ପର୍ଯ୍ୟାୟ ମତଦାନ ଶେଷ ହୋଇଛି। କିଛି ସ୍ଥାନରେ ସାମାନ୍ୟ ହିଂସାକାଣ୍ଡ ସହ ମୋଟାମୋଟି ଭାବେ ଶାନ୍ତିପୂର୍ଣ୍ଣ ଭାବେ ଭୋଟଗ୍ରହଣ ଶେଷ ହୋଇଛି। ଇଭିଏମରେ ସିଲ୍ ହୋଇଛି ବିଧାନସଭା ନିର୍ବାଚନମଣ୍ଡଳୀର ୨୬୫ ପ୍ରାର୍ଥୀଙ୍କ ଭାଗ୍ୟ। ୫ ସଂସଦୀୟ କ୍ଷେତ୍ରରେ ଥିବା ୪୦ ଜଣ ପ୍ରାର୍ଥୀଙ୍କ ଭାଗ୍ୟ ମଧ୍ୟ ଇଭିଏମରେ ସିଲ୍ ହୋଇଛି ।