କୋଇଲା ଖଣିରେ ଅଘଟଣ, ବିସ୍ଫୋରଣ ନେଲା ୨୮ ଜୀବନ

ଅମସ୍ରା: ତୁର୍କୀ ବାର୍ଟିନ ପ୍ରଜାତନ୍ତ୍ରରେ ଭୟଙ୍କର କୋଇଲା ଖଣି ବିସ୍ଫୋରଣ । ବିସ୍ଫୋରଣରେ ୨୮ ଜଣଙ୍କ ମୃତ୍ୟୁ ଘଟିଥିବାବେଳେ ଅନେକ ଫସି ରହିଥିବା ଆଶଙ୍କା ରହିଛି । କୃଷ୍ଣ ସାଗର ଅନ୍ତର୍ଗତ ଆମାସ୍ରାରେ ଘଟିଥିବା ଏହି ବିସ୍ଫୋରଣ ପରେ ଉଦ୍ଧାର କାର୍ଯ୍ୟ ଜାରି ରହିଛି । ଘଟଣାସ୍ଥଳରୁ ୧୧ଜଣଙ୍କୁ ଗୁରୁତର ଅବସ୍ଥାରେ ଉଦ୍ଧାର କାରଯାଇଛି ।

ଖଣିର ୩୦୦ ମିଟର ଗଭୀରରେ ପ୍ରାୟ ୧୧୦ ଜଣ କାମ କରୁଥିବାବେଳେ ଏହି ବିସ୍ଫୋରଣ ଘଟିଥିଲା । କୋଇଲା ଖଣିରେ କିଛି ଦହନୀୟ ଗ୍ୟାସ ବାହାରିବା ପରେ ନିଆଁ ଲାଗିଯାଇ ବିସ୍ଫୋରଣ ଘଟିଥିଲା ବୋଲି କହିଛନ୍ତି ଶକ୍ତି ମନ୍ତ୍ରୀ ଫାତି ଦୋନମେଜ । ଖଣିଟି ରାଷ୍ଟ୍ରାୟତ୍ତ ଉଦ୍ୟୋଗ ପରିସରଭୁକ୍ତ ଥିଲା । ବିସ୍ଫୋରଣର କାରଣ ଅନୁଧ୍ୟାନ କରାଯାଉଛି । ରାଷ୍ଟ୍ରପତି ରିସେପ ତାୟପ ସ୍ଥିତି ସମୀକ୍ଷା କରିଛନ୍ତି ।

୮ ବର୍ଷ ପରେ ତୁର୍କୀରେ ଏଭଳି ବଡ ଧରଣର ଅଘଟଣ ଘଟିଛି । ଗତ ୨୦୧୪ରେ ଏକ କୋଇଲା ଖଣିରେ ନିଆଁ ଲାଗି ୩୦୧ ଜଣ ପ୍ରାଣ ହରାଇଥିଲେ ।