ଜାନୁଆରୀ ୨୫ ତାରିଖକୁ ଜାତୀୟ ମତଦାତା ଦିବସ ଭାବେ ପାଳନ କରାଯାଉଛି

ନୂଆଦିଲ୍ଲୀ: ଆଜି ୧୦ମ ଜାତୀୟ ଭୋଟର ଦିବସ । ୨୦୧୦ ମସିହାରୁ ଜାନୁଆରୀ ୨୫ ତାରିଖକୁ ଜାତୀୟ ଭୋଟର ଦିବସ ଭାବେ ପାଳନ କରାଯାଉଛି । ଏନେଇ ରାଜ୍ୟ ନିରବାଚନ ଆୟୋଗଙ୍କ ପକ୍ଷରୁ ରାଜଧାନୀ ଭୁବନେଶ୍ୱରରେ ରାଜ୍ୟସ୍ତରୀୟ ଉତ୍ସବର ଆୟୋଜନ କରାଯାଇଛି ।

ରବୀନ୍ଦ୍ର ମଣ୍ଡପରେ ଆୟୋଜିତ ଏହି ଉତ୍ସବରେ ମୁଖ୍ୟ ଅତିଥି ଭାବେ ଯୋଗଦେଇଥିଲେ ରାଜ୍ୟପାଳ ପ୍ରଫେସର ଗଣେଶୀ ଲାଲ । ଯୁବ ଭୋଟର ତଥା ସଚେତନ ଭୋଟରଙ୍କ ଉପରେ ଗଣତନ୍ତ୍ରର ସୁରକ୍ଷା ନିର୍ଭର କରୁଛି । ଏଣୁ ମତଦାନ ଅଧିକାର ନିଜେ ସାବ୍ୟସ୍ତ କରିବା ସହିତ ଅନ୍ୟମାନଙ୍କୁ ଏଦିଗରେ ସଚେତନ କରିବାକୁ ଆହ୍ଵାନ କରିଛନ୍ତି ରାଜ୍ୟପାଳ । କାର୍ଯ୍ୟକ୍ରମରେ ୧୦ଜଣ ନୂଆ ଭୋଟରଙ୍କୁ ସେମାନଙ୍କର ଭୋଟର ପରିଚୟ ପତ୍ର ରାଜ୍ୟପାଳଙ୍କ ଦ୍ଵାରା ପ୍ରଦାନ କରାଯାଇଥିଲା ।