୨୩ ରାଜ୍ୟ ଓ ୮ କେନ୍ଦ୍ର ଶାସିତ ପ୍ରଦେଶରେ ସରକାରୀ ଚାକିରି ପାଇଁ ଦେବାକୁ ପଡ଼ିବନାହିଁ ସାକ୍ଷାତକାର
ନୂଆଦିଲ୍ଲୀ: ୨୩ ରାଜ୍ୟ ଓ ୮ କେନ୍ଦ୍ର ଶାସିତ ପ୍ରଦେଶରେ ସରକାରୀ ଚାକିରି ନେଇ ସାକ୍ଷାତକାରକୁ ଉଚ୍ଛେଦ କରିଦେଇଛନ୍ତି । ଏ ନେଇ ଶନିବାର କେନ୍ଦ୍ର କାର୍ମିକ ମନ୍ତ୍ରାଳୟ ମନ୍ତ୍ରୀ ଜିତେନ୍ଦ୍ର ସିଂହ ସୂଚିତ କରିଛନ୍ତି । କାର୍ମିକ ମନ୍ତ୍ରାଳୟର ବୟାନ ଅନୁଯାୟୀ ୨୦୧୬ ପରେ କେନ୍ଦ୍ର ସରକାର ଗ୍ରୁପ ବି (ନନ୍ ଗେଜେଟେଡ୍) ଏବଂ ଗ୍ରୁପ ସି ପଦବୀ ପାଇଁ ସାକ୍ଷାତକାରକୁ ଉଚ୍ଛେଦ କରିଦେଇଛନ୍ତି ।
ସାକ୍ଷାତକାର ବନ୍ଦ କରିବାକୁ ସୁପାରିସ୍
୨୦୧୫ରେ ସ୍ୱାଧୀନତା ଦିବସ ଅବସରରେ ଲାଲକିଲ୍ଲାରୁ ପ୍ରଧାନମନ୍ତ୍ରୀ ନରେନଦ୍ର ମୋଦି ସାକ୍ଷାତକାର ବନ୍ଦ କରିବା ନେଇ ପରାମର୍ଶ ଦେଇଥିଲେ । ଏବଂ ଲିଖିତ ପରୀକ୍ଷା ଆଧାରରେ ଚାକିରି ପାଇଁ ଚୟନ କରିବାକୁ କୁହାଯାଇଥିଲା । ପ୍ରଧାନମନ୍ତ୍ରୀଙ୍କ ପରାମର୍ଶ ଅନୁଯାୟୀ ୧ ଜାନୁଆରୀ ୨୦୧୬ଠାରୁ କେନ୍ଦ୍ର ସରକାରରେ ଭର୍ତ୍ତି ନେଇ ସାକ୍ଷାତକାର ସମାପ୍ତ କରିବା ନେଇ ପ୍ରକ୍ରିୟା ପୂରା କରିସାରିଛନ୍ତି ।
ମହାରାଷ୍ଟ୍ର ଏବଂ ଗୁଜୁରାଟ ସାକ୍ଷାତକାର କରିବାକୁ ଚାହୁଁଛନ୍ତି
ମହାରାଷ୍ଟ୍ର ଏବଂ ଗୁଜୁରାଟ ଭଳି କିଛି ରାଜ୍ୟ ଏହି ନିୟମ ଲାଗୁ କରିବାକୁ ନେଇ ତତ୍ପର ଥିବା ବେଳେ କିଛି ରାଜ୍ୟ ସମାପ୍ତ କରିବାକୁ ଅନିଚ୍ଛୁକ ଥିଲେ ଚାକିରି ପାଇଁ ସାକ୍ଷାତକାର କରିବାକୁ ଚାହୁଁଥିଲେ । ବିଭାଗୀୟ କେନ୍ଦ୍ର ମନ୍ତ୍ରୀ ଏ ନେଇ ଅସନ୍ତୋଷ ବ୍ୟକ୍ତ କରିବା ସହ ରାଜ୍ୟ ସରକାରଙ୍କୁ ବହୁତ ବୁଝାଶୁଝା ଏବଂ ବାରମ୍ୱାର ମନେପକାଇବା ପରେ କଶ୍ମୀର ଏବଂ ଲଦାଖ ସହିତ ଭାରତର ସମସ୍ତ ୮ କେନ୍ଦ୍ର ଶାସିତ ପ୍ରଦେଶ ଏବଂ ୨୩ ରାଜ୍ୟ ସରକାର ସାକ୍ଷାତକାର ପ୍ରକ୍ରିୟାକୁ ବନ୍ଦ କରିଦିଆଯାଇଛି ।
