୧୩ କର୍ମଚାରୀଙ୍କ ସହ ୯ ଛାତ୍ରଛାତ୍ରୀ ସଂକ୍ରମିତ

ଝାରସୁଗୁଡ଼ା: କିଛିଦିନର ବ୍ୟବଧାନ ପରେ ରାଜ୍ୟକୁ ପୁଣି ଫେରିଛି କରୋନା ।  ବିଭିନ୍ନ ବେସରକାରୀ ଶିକ୍ଷାନୁଷ୍ଠାନମାନଙ୍କରେ କରୋନା ସଂକ୍ରମଣ ଦେଖିବାକୁ ମିଳିଛି । ତେବେ ଆଜି ରାଜ୍ୟରେ ଝାରସୁଗୁଡା ଇଞ୍ଜିନିୟରିଂ ସ୍କୁଲରୁ ୨୨ ଜଣ କରୋନା ପଜିଟିଭ ଚିହ୍ନଟ ହୋଇଛନ୍ତି ।  ଆକ୍ରାନ୍ତଙ୍କ ମଧ୍ୟରେ ୧୩ଜଣ କର୍ମଚାରୀ, ୪ ଜଣ ଛାତ୍ର ଓ ୫ ଜଣ ଛାତ୍ରୀ ଅଛନ୍ତି । କରୋନା ପଜିଟିଭ୍ ଚିହ୍ନଟ ପରେ ଝାରସୁଗୁଡ଼ା ତହସିଲଦାର, ପୌରପରିଷଦ ଅଧିକାରୀ ଓ ମେଡିକାଲ ଟିମ୍ ଇଞ୍ଜିନିୟରିଂ ସ୍କୁଲକୁ ଯାଇ ସ୍ଥିତି ପରିଖିଛନ୍ତି । ପଜିଟିଭ ଚିହ୍ନଟ ହୋଇଥିବା ସମସ୍ତଙ୍କୁ ହଷ୍ଟେଲରେ ଆଇସୋଲେସନରେ ରଖାଯାଇଛି । କଣ୍ଟାକ୍ଟ ଟ୍ରେସିଂ ଆରମ୍ଭ ହୋଇଥିବା ବେଳେ କଲେଜ ଓ ହଷ୍ଟେଲକୁ ସାନିଟାଇଜ କରାଯାଇଛି ।