ଆତତାୟୀର ଆତଙ୍କ, ଆଖିବୁଜା ଗୁଳିମାଡ଼ରେ ୩୬ ଜଣଙ୍କ ମୃତ୍ୟୁ

ଥାଇଲାଣ୍ଡ: ଥାଇଲାଣ୍ଡର ନା-କ୍ଲାଙ୍ଗ ଅଞ୍ଚଳରେ ଭୟାବହ ଗୁଳିକାଣ୍ଡ । ଆତତାୟୀର ଆଖିବୁଜା ଗୁଳିମାଡ଼ରେ ୩୬ଜଣଙ୍କ ମୃତ୍ୟୁ ହୋଇଛି । ମିଳିଥିବା ସୂଚନା ମୁତାବକ ଏକ ଡେ-କେୟାର ସେଣ୍ଟରରେ ଘଟିଛି ଏହି ଲୋମହର୍ଷଣ ହତ୍ୟାକାଣ୍ଡ  ।  ଜଣେ ପୂର୍ବତନ ପୋଲିସ କର୍ମଚାରୀ ଆଜି ଆଖିବୁଜା ଗୁଳିମାଡ଼ କରିଛନ୍ତି  । ଫଳରେ ସେଠାରେ ଉପସ୍ଥିତ ୩୬ଜଣଙ୍କର ମୃତ୍ୟୁ  ହୋଇଛି  । ଏମିତିକି  ଗୁଳିକାଣ୍ଡ ଘଟାଇବା ସହ ନିଜ ପୁତ୍ର ଓ ପତ୍ନୀଙ୍କୁ ବି ହତ୍ୟା କରିଛନ୍ତି ଉକ୍ତ ବ୍ୟକ୍ତି ଜଣଙ୍କ । ଗୁଳିକାଣ୍ଡ ପରେ ସେ ନିଜେ ଆତ୍ମହତ୍ୟା କରିଥିବା ସୂଚନା ମିଲିଛି  ।

ଏହି ଲୋମ ହର୍ଷଣ ହତ୍ୟାକାଣ୍ଡରେ ମୃତକଙ୍କ ମଧ୍ୟରେ ଅଛନ୍ତି ୨୨ ଶିଶୁ, ୫ କର୍ମଚାରୀ ଓ ଜଣେ ଗର୍ଭବତୀ । ଥାଇଲାଣ୍ଡର ନୋଙ୍ଗ ବୁଆ ଲାମ୍ଫୁରେ ଆଜି ସକାଳେ ଆତତାୟୀଜଣକ ଏକ ଡେ-କେୟାର ସେଣ୍ଟରରେ ପ୍ରବେଶ କରି ଆଖିବୁଜା ଗୁଳିମାଡ଼ କରିଥିଲା । ବୀଭତ୍ସ ହତ୍ୟାକାଣ୍ଡ ଘଟାଇବା ପରେ ସେ ନିଜେ ଆତ୍ମହତ୍ୟା କରିଥିଲା । ଏହି ଗୁଳିକାଣ୍ଡ ପରେ ସେଠାରେ ଶୋକାକୁଳ ପରିବେଶ ସୃଷ୍ଟି ହୋଇଛି । ଆତତାୟୀଜଣକର ନାମ ପାନ୍ୟା ଖାମରାବ ବୋଲି ସୂଚନା ମିଳିଛି । ଏମିତି ଏକ ଘଟଣା ପୂର୍ବରୁ ମଧ୍ୟ ଘଟିଥିଲା  ।   ୨୦୨୦ ମସିହାରେ ମଧ୍ୟ ଥାଇଲାଣ୍ଡର ଜଣେ ସେନା କର୍ମଚାରୀ କୌଣସି କାରଣରୁ ଆଖିବୁଜା ଗୁଳିମାଡ ଘଟଣାଇଥିଲେ  । ଯେଉଁଥିରେ  ୨୯ଜଣଙ୍କ ମୃତ୍ୟୁ ଘଟିଥିଲା ।