୨୧ ଶହ ଟଙ୍କାର ଫଟୋ ରାତିରାତି କରିଦେଲା ୩୬୮ କୋଟି ଟଙ୍କାର ମାଲିକ

1 min read

ଓ୍ବାସିଂଟନ: କଥାରେ ଅଛି ‘ଉପର ଓ୍ବାଲା ଜଭି ଦେତା, ଦେତା ଛପର ଫାଡ କେ’ । ଏହା ଉପରେ ହିନ୍ଦି ଫିଲ୍ମରେ ଏକ ଗୀତ ବି ବେଶ ହିଟ୍ ହୋଇଛି । କଥାଟା ବି ଏକ ଦମ୍ ସତ । କେତେ ବେଳେ କାହା ଭାଗ୍ୟ ଉଦୟ ହେବ ଓ ଦିନ ରଙ୍କି କୋଟିପତି ହୋଇ ନଯିବ କହି ହେବନି । ଏହି ଯେମିତି ଆମେରିକାର ଜଣେ ବ୍ୟକ୍ତିଙ୍କୁ ଏକ ଚିତ୍ରକଳା କୋଟିପତି ବନାଇ ଦେଇଛି । ଗୋଟେ କି ଦୁଇ କୋଟି ନୂହେଁ, ପୂରା ୩୬୮ କୋଟି ଟଙ୍କାର ମାଲିକ ହୋଇଯାଇଛନ୍ତି ବ୍ୟକ୍ତି ଜଣକ । ଶୁଣିଲେ ଆଶ୍ଚର୍ଯ୍ୟ ହେବେ, ବ୍ୟକ୍ତି ଜଣଙ୍କ ମାତ୍ର ୨୧ ଶହ ଟଙ୍କାରେ ଉକ୍ତ ସ୍କେଚ୍ (ଫଟୋଚିତ୍ର)ଟିକୁ କିଣିଥିଲେ ।

ମିରର ୟୁକେରେ ପ୍ରକାଶିତ ରିପୋର୍ଟ ଅନୁସାରେ ବ୍ୟକ୍ତି ଜଣଙ୍କ ନିଜ ନାମ ଗୁପ୍ତ ରହିଛନ୍ତି, ‘ସେ ମାସାଚୁସେଟ୍ସରେ ରୁହନ୍ତି । ଏକ ଚିତ୍ରକଳା ପ୍ରଦର୍ଶନୀ ବୁଲିବାକୁ ଯାଇଥିବା ବେଳେ ଏକ ଫଟୋଚିତ୍ର ତାଙ୍କ ମନକୁ ବେଶ ଛୁଇଁଥିଲା । ଏଥିରେ ଜଣେ ମହିଳା ଏକ ପିଲାକୁ ଧରିଥିବା ଦେଖିବାକୁ ମିଳୁଛି । କୌଣସି ପ୍ରସିଦ୍ଧ ଚିତ୍ରକାରଙ୍କ ଏହା ହୋଇଥିବ ଭାବି ସେ ମାତ୍ର ୨୧ ଶହ ଟଙ୍କାରେ ଏହାକୁ କିଣି ଘରକୁ ନେଇ ଆସିଥିଲେ ।’

ମଜାଦାର କଥା ହେଲା କିଣିବା ବେଳେ ସେ କେବେ ଭାବି ନଥିଲେ ଏହି ଫଟୋଚିତ୍ରଟିର ପ୍ରକୃତ ମୂଲ୍ୟ କେତେ ?  ତାଙ୍କୁ ଏହା ବି ଜଣା ନଥିଲା ଏହା କେତେ ଶତାବ୍ଦୀ ପୁରୁଣା ଓ ଫଟୋ କପି ନୁହେଁ ବରଂ ପୂରା ଅରିଜିନାଲ । ଯାହା ତାଙ୍କୁ ସାରା ଦୁନିଆରେ ପ୍ରସିଦ୍ଧି ଦେବା ସହ ରାତାରାତି କୋଟିପତି ବନାଇ ଦେବ ।

ସୂଚନାଯୋଗ୍ୟ, ହଳଦିଆ ରଙ୍ଗର ଲେଲିନ କପଡ଼ାରେ ଅଙ୍କା ଯାଇଥିବା ଏହି ଚିତ୍ରଟି ୧୫ ଶତାବ୍ଦୀର । ଏହାକୁ ବିଶ୍ବ ପ୍ରସିଦ୍ଧ ମନୋଗ୍ରାମ୍ସ ଆଲବ୍ରେଚ୍ ଡୁରେର ଆଙ୍କି ଥିଲେ । ଏକ ରିପୋର୍ଟ ଅନୁସାରେ ପୁର୍ନ ଜାଗରଣ କାଳରେ ଜର୍ମାନୀ ଚିତ୍ରକାର ଡୁରେର ଏହାକୁ ଆଙ୍କିଥିଲେ ।  ଏହାକୁ ଅନୁଧ୍ୟାନ କରିବା ପରେ ଏହାର ମୂଲ୍ୟ ବର୍ତ୍ତମାନ ସମୟରେ ୩୬୮ କୋଟି ଟଙ୍କା ହେବ ବୋଲି ଆକଳନ କରାଯାଇଛି ।

ଫଟୋଟିକୁ ଦେଖି ଚିତ୍ରକଳା ବିଶେଷଜ୍ଞମାନେ ମଧ୍ୟ ଆଶ୍ଚର୍ଯ୍ୟ ହୋଇଯାଇଛନ୍ତି । ସେମାନଙ୍କ ମତରେ, ଏତେ କମ ମୂଲ୍ୟରେ କେମିତି ସମ୍ପୃକ୍ତ ବ୍ୟକ୍ତି ଏହାକୁ ପାଇଗଲେ । ଏହାକୁ ବିକ୍ରି କରିଥିବା ବ୍ୟକ୍ତି ବି କେମିତି ଏହାକୁ ଚିହ୍ନି ପାରିଲେନି ଓ ଏତେ କମ ମୂଲ୍ୟରେ ବିକ୍ରି କରିଦେଲେ । ସୂଚନାଯୋଗ୍ୟ, ଏହା ପୂର୍ବରୁ ମାସାଚୁସେଟ୍ସରେ ୨୦୧୬ରେ ଦିବଙ୍ଗତ ବାସ୍ତୁକାର ଜିନ ପାଲ କାର୍ଲହିୟନଙ୍କ ପରିବାର ଏହାକୁ ଶେଷ ଥର ପାଇଁ ବିକ୍ରି କରିଥିଲେ ।

କଳାକୃତି ସଂଗ୍ରହ ସଉକ ରଖୁଥିବା କ୍ଲିଫୋର୍ଡ ଶୋରର କହିଛନ୍ତି, ‘ଏହା ମୋ ପାଇଁ ବିଶ୍ବାସ ଯୋଗ୍ୟ ନଥିଲା, ଯେତେବେଳେ ମୁଁ ଆଲବ୍ରେଚ୍ ଡୁରେରଙ୍କ ହାତ ତିଆାରି ଚିତ୍ରକଳା ଦେଖିଲି । ଏହି ଚିତ୍ରକଳାର କୌଣସି ତୁଳନା ନାହିଁ ।’

ସେ ଆହୁରି କହିଛନ୍ତି, ‘ଆଲବ୍ରେଚ୍ ଡୁରେର ପୁର୍ନ ଜାଗରର ଆନ୍ଦୋଳନର ଜଣେ ଜର୍ମାନୀ ଚିତ୍ରକାର ଥିଲେ । ଯିଏ ନିଜ ଉଡକଟ ପ୍ରିଣ୍ଟ ପାଇଁ ପୂରା ୟୁରୋପରେ ପ୍ରସିଦ୍ଧ ଥିଲେ । ପ୍ରସିଦ୍ଧ ଇଟାଲୀ ଚିତ୍ରକାର ଲିଓନାର୍ଡୋ ଦା ଭିନ୍ସଙ୍କ ସମେତ ସେ ସମୟର ଅନ୍ୟ ଚିତ୍ରକାରଙ୍କ ସମ୍ପର୍କରେ ଥିଲେ ।’

[DISPLAY_ULTIMATE_SOCIAL_ICONS]
Opn Commnet Area

Leave a Reply

Your email address will not be published. Required fields are marked *