ମହାରାଷ୍ଟ୍ରରେ ୨୧ ଜଣଙ୍କ ମଧ୍ୟରେ ଡେଲଟା ପ୍ଲସ ଭାରିଆଣ୍ଟ ଚିହ୍ନଟ, ସ୍ପଷ୍ଟ କଲେ ସ୍ୱାସ୍ଥ୍ୟ ମନ୍ତ୍ରୀ

ମୁମ୍ବାଇ: ମହାରାଷ୍ଟ୍ରରେ କରୋନା ସଂକ୍ରମଣ କ୍ରମାଗତ ଭାବେ ଖସିବାରେ ଲାଗିଛି। ଏଭଳି ସମୟରେ କୋଭିଡ ୧୯ର ଡେଲଟା ପ୍ଲସ୍ ଭ୍ୟାରିଏଣ୍ଟ ଚିନ୍ତା ବଢାଇଛି । ପ୍ରାୟ ୨୧ ଜଣଙ୍କ ଶରୀରରେ କରୋନାର ନୂଆ ରୂପ ତଥା ଡେଲଟା ପ୍ଲସ ଭାରିଆଣ୍ଟ ଚିହ୍ନଟ କରାଯାଇଛି ବୋଲି ରାଜ୍ୟ ସ୍ୱାସ୍ଥ୍ୟମନ୍ତ୍ରୀ ରାଜେଶ ଟୋପେ ସ୍ପଷ୍ଟ କରିଛନ୍ତି ।

ଚିହ୍ନଟ ହୋଇଥିବା ୨୧ ଜଣଙ୍କ ମଧ୍ୟରେ ରତ୍ନଗିରିରୁ ୯ ଜଣ, ଜଳଗାଁରୁ ୭ ଜଣ, ମୁମ୍ବାଇରୁ ୨ ଜଣ ଓ ପାଲଘର, ଥାନେ ଏବଂ ସିନ୍ଧୁଦୁର୍ଗରୁ ଜଣେ ଲେଖାଏଁ ରହିଛନ୍ତି । କରୋନା ଭାଇରସର ଡେଲଟା ପ୍ଲସ୍ ଭାରିଆଣ୍ଟଟି B 1.617.2ର ପରିବର୍ତ୍ତନକୁ ନେଇ ଗଠିତ । ଭାରତରେ ଡେଲଟା ଫର୍ମ ପ୍ରଥମେ ଚିହ୍ନଟ ହୋଇଥିଲା ଆଉ ଯାହା ଦେଶର ଦ୍ୱିତୀୟ ପ୍ରବାହର କାରଣ ବୋଲି ବିବେଚନା କରାଯାଇଥାଏ ।

Out of 21 cases of Delta plus variant detected in Maharashtra, 9 are from Ratnagiri, 7 from Jalgaon, 2 from Mumbai, and one each from Palghar, Thane & Sindhudurg. We are ascertaining their vaccination status & travel history: State Health Minister Rajesh Tope pic.twitter.com/HrNvZFEPDr

— ANI (@ANI) June 21, 2021

ତେବେ ସ୍ୱାସ୍ଥ୍ୟ ବିଭାଗର ସୂଚନାନୁସାରେ, ଗତ ୨୪ ଘଣ୍ଟା ମଧ୍ୟରେ ରାଜ୍ୟର ୬ ହଜାର ୨୭୦ ଲୋକଙ୍କ ମଧ୍ୟରେ କରୋନା ଚିହ୍ନଟ ହୋଇଛି। ପ୍ରାୟ ଚାରିମାସ ପରେ ଏତେ କମ୍ ମାମଲା ଚିହ୍ନଟ ହୋଇଛି।  ଦେଶରେ ଏଯାବତ୍ ମୋଟ୍ ଆକ୍ଟିଭ କେସ୍ ରହିଛି ୭ ଲକ୍ଷ ୨ ହଜାର ୮୮୭।  ୨ କୋଟି ୯୯ ଲକ୍ଷ ୩୫ ହଜାର ୨୨୧ ଜଣ କରୋନାରେ ସଂକ୍ରମିତ ହୋଇଛନ୍ତି। ମୋଟ ସୁସ୍ଥ ହୋଇଛନ୍ତି ୨ କୋଟି ୮୮ ଲକ୍ଷ ୪୪ ହଜାର ୧୯୯ ଜଣ ଓ ୩ ଲକ୍ଷ ୮୮ ହଜାର ୧୩୫ ଜଣକ ଜୀବନ ନେଇଛି ଭାଇରସ। ସେହିଭଳି ଟିକାକରଣରେ ସାମିଲ ହୋଇଛନ୍ତି ୨୮ କୋଟି ୩୬ ହଜାର ୮୯୮ ଜଣ।