କୁନି କୁନି ପିଲାମାନଙ୍କ ପାଇଁ ଟ୍ରେସିଂ ଏବଂ ଲର୍ଣ୍ଣିଂ କନସେପ୍ଟକୁ ନେଇ ୨୧ଟି ପୁସ୍ତକ ଉନ୍ମୋଚିତ

ଭୁବନେଶ୍ୱର: ପ୍ରଥମ ଥର ପାଇଁ ଭୁବନେଶ୍ୱରରେ କୁନି କୁନି ପିଲାମାନଙ୍କ ପାଇଁ ଏକାଥରକେ ୨୧ ଟି ପୁସ୍ତକ ଉନ୍ମୋଚିତ ହୋଇଛି । ଭୁବନେଶ୍ୱର ସ୍ଥିତ ମାଇକେଲ କିଚେନ୍ ରେଷ୍ଟୁରାଣ୍ଟ ଠାରେ ଏହି ପୁସ୍ତକ ଉନ୍ମୋଚିତ ହୋଇଯାଇଛି  । ଆଜିକାଲି ପିଲାମାନେ ଲେଖିବା ଅପେକ୍ଷା ମୋବାଇଲ ଓ କମ୍ପ୍ୟୁଟରରେ ପଢିବାକୁ ଅଧିକ ପସନ୍ଦ କରୁଛନ୍ତି । ଲେଖିବାକୁ କେହି ପସନ୍ଦ କରୁନାହାଁନ୍ତି । “ଟ୍ରେସିଂ ଏବଂ ଲର୍ଣ୍ଣିଂ କନସେପ୍ଟକୁ ନେଇ ବିଭିନ୍ନ ଥିମ ଉପରେ ପିଲାମାନଙ୍କ ପାଇଁ ଏହି ପୁସ୍ତକ ପ୍ରସ୍ତୁତ କରିଛନ୍ତି ପ୍ରସିଦ୍ଧ ଓଡ଼ିଶୀ ନୃତ୍ୟଶିଳ୍ପୀ ଓ ସଫ୍ଟସ୍କିଲ୍ ଟ୍ରେନର୍ ସିନ୍ଧୁ ବ୍ରାଉନ । ତାଙ୍କୁ ଏହି ପୁସ୍ତକ ପବ୍ଲିକେସନ୍ ରେ ସହଯୋଗ କରିଛନ୍ତିି ମାନସ ରଞ୍ଜନ ଦାସ, ମାନବୀ ଟୌଙ୍କ୍, ଶ୍ରୀଦେବୀ ଓ କୁଞ୍ଜନ୍କ । ରୋନା ପାଇଁ ପାଠ୍ୟକ୍ରମ ଅନଲାଇନରେ ହେବାଦ୍ୱାରା ପିଲାମାନଙ୍କର ଲେଖିବା ସ୍କିଲ୍ ବହୁତ କମ୍ ହୋଇଯାଇଛି। ଛୋଟ ପିଲାମାନଙ୍କର ପିତାମାତା ସେମାନଙ୍କର ଲେଖାକୁ ନେଇ ବହୁତ ଚିନ୍ତିତ ।

ତେଣୁ ବିଭିନ୍ନ ବିଷୟ ବସ୍ତୁକୁ ନେଇ ଏହି ପୁସ୍ତକଗୁଡ଼ିକୁ ପିଲାମାନେ କିପରି ସହଜରେ ଶିଖିବାକୁ ଆଗ୍ରହୀ ହେବେ ସେଭଳି ଭାବରେ ଡିଜାଇନ୍ କରାଯାଇଛି । ଯେଉଁଥିରେ ପିଲାମାନେ କେବଳ ଜ୍ଞାନ ଆହରଣ କରନ୍ତି ନାହିଁ, ବରଂ ଶିକ୍ଷାର୍ଥୀର ଫଟୋଗ୍ରାଫିକ୍ ମେମୋରୀ ମଧ୍ୟ ବିକାଶ ହୋଇପାରିବ । ଏହି ପୁସ୍ତକ ଗୁଡ଼ିକ ପିମାଲାମାନଙ୍କ ମନକୁ ଜାଗ୍ରତ କରିବା ପାଇଁ ସ୍ଥିର ହୋଇଛି ଏବଂ ସେମାନଙ୍କର କଳ୍ପନାକୁ ବିସ୍ତାର କରିବା ଓ ଶିଖିବାକୁ ଆଗ୍ରହୀ କରିବ । ଏହାସହ ଅନେକ ଶିଶୁ ଏବଂ ପିତାମାତାଙ୍କୁ ଉଭୟ ଏକାଡେମିକ୍ ତଥା କଳାତ୍ମକ ଭାବରେ ସାହାଯ୍ୟ କରିବ, ଯେଉଁଥିରେ ପିଲାମାନଙ୍କୁ ପେନ୍ସିଲ୍ ଧରିବା ଏବଂ ମୋବାଇଲ୍ ଧରି ରଖିବା ପରିବର୍ତ୍ତେ ଏକ ବହିରେ ଲେଖିବା ପାଇଁ ଦିଆଯାଇଥାଏ ।

ଏହି ପୁସ୍ତକ ବିଶେଷ ଭାବରେ ସମସ୍ତ ପ୍ରାଥମିକ ବିଦ୍ୟାଳୟର ପିଲାମାନଙ୍କ ପାଇଁ ଡିଜାଇନ୍ କରାଯାଇଛି । ୩ ରୁ ୧୪ ବର୍ଷ ବୟସର ଶିଶୁଟି ଏହି ପୁସ୍ତକ ବ୍ୟବହାର କରିପାରି । ଉନ୍ନୋଚିତ ହୋଇଥିବା ଏହି ୨୧ ଟି ପୁସ୍ତକଗୁଡିକ ହେଲା, ଇଂରାଜୀ ବର୍ଣ୍ଣମାଳା, ଓଡିଆ ବର୍ଣ୍ଣମାଳା, ଇଂରାଜୀ ଫୋନିକ୍ସ, ସାଇଲେଣ୍ଟ ଶବ୍ଦ, ଦୃଶ୍ୟ ଶବ୍ଦ, ଗୀତ, ସକରାତ୍ମକ ନିଶ୍ଚିତତା, ବଣୁଆ ଜନ୍ତୁ, ଗୃହପାଳିତ ପଶୁ, ପରିବହନ, ପକ୍ଷୀ, ଫୁଲ, ଖାଦ୍ୟ, ଫଳ, ପନିପରିବା, ବାଦ୍ୟଯନ୍ତ୍ର, କ୍ରୀଡା, ବ୍ୟାୟାମ, ୟୋଗାସନ, ଗଣିତ ଏବଂ ମନ୍ତ୍ର । ଏହି ପୁସ୍ତକ ଗୁଡ଼ିକ ସମସ୍ତ ବହି ଦୋକାନରେ ସହଜରେ ଏବଂ କମ ଦାମରେ ମିଳିପାରିବ ଏବଂ ଖୁବ୍ ଶୀଘ୍ର ଅନଲାଇନ୍ ରେ ମଧ୍ୟ ଉପଲବ୍ଧ ହେବ ।

ପୁସ୍ତକ ଉନ୍ମୋଚିତ ଉତ୍ସବରେ ମଦର ପବ୍ଲିକ ସ୍କୁଲର ମୁଖ୍ୟ ପଲ୍ଲୀ ପଟ୍ଟନାୟକ, ଜଣାଶୁଣା ଡ୍ୟାନ୍ସର ଶାଶ୍ଵତ ଯୋଶୀ, ରୁଦ୍ରାକ୍ଷ ଫାଉଣ୍ଡେସନର ପ୍ରତିଷ୍ଠାତା ଗୁରୁ  ବିଚିତ୍ରାନନ୍ଦ ସ୍ୱାଇଁ, ଓଡ଼ିଶୀ ନୃତ୍ୟଗୁରୁ ଲିଙ୍ଗରାଜ ସ୍ୱାଇଁ, ନାଟ୍ୟ ଚେତନାର ପ୍ରତିଷ୍ଠାତା ଶ୍ରୀ ସୁବୋଧ ପଟ୍ଟନାୟକ, ଆଇନଜୀବୀ ଜ୍ଞାନ ଏସ୍ ସାମନ୍ତରାୟ , କେରଳ କଳା ସମିତିର ସଦସ୍ୟ ରାଦେ ରମେଶ ଓ ‘ଆମେ ସୋସିଆଲ୍’ର ସମ୍ପାଦକ ତଥା ସାମାଜିକ-ସାଂସ୍କୃତିକ ସଂଗଠକ ଗୁରୁପଦ ବଳିଆରସିଂହ ପ୍ରମୁଖ ସାମିଲ ଥିଲେ । ପ୍ରସିଦ୍ଧ ଓଡ଼ିଶୀ ନୃତ୍ୟଶିଳ୍ପୀ ସିନ୍ଧୁ ବ୍ରାଉନ ଆଗାମୀ ଦିନରେ ଦୃଷ୍ଟିହୀନ ଛାତ୍ରଛାତ୍ରୀ ଓ ମାନସିକ ଅକ୍ଷମ ଛାତ୍ରଛାତ୍ରୀ ପାଇଁ ଖୁବଶୀଘ୍ର ନୂଆ ବହି ଉନ୍ମୋଚିତ କରିବାକୁ ଯାଉଛନ୍ତି । ଶେଷରେ ସିନ୍ଧୁ ବ୍ରାଉନ ସମସ୍ତଙ୍କୁ ଧନ୍ୟବାଦ ଅର୍ପଣ କରିଥିଲେ  ।