କୋଭିଡ ସତ୍ୱେ ଅଟକିନି ରାଜ୍ୟର ଅଭିବୃଦ୍ଧି ହାର, ୨୦୨୨ରେ ଥିଲା ୭.୮ ପ୍ରତିଶତ

ଭୁବନେଶ୍ୱର: ୨୦୨୨ରେ ରାଜ୍ୟର ଅଭିବୃଦ୍ଧି ୭.୮ ପ୍ରତିଶତ ରହିଥିଲା । ଚଳିତବର୍ଷ ଏହି ଅଭିବୃଦ୍ଧି ୭.୦ ହେବ ବୋଲି ଆକଳନ କରାଯାଇଥିଲା । କୋଭିଡ ସତ୍ତ୍ବେ ପ୍ରଗତି ପଥରେ ଆଗଉଛି ରାଜ୍ୟର ଅଭିବୃଦ୍ଧି । କୋଭିଡ କାଳରେ ରାଜ୍ୟର ଅଭିବୃଦ୍ଧି ୭.୧ ପ୍ରତିଶତ ଥିଲା । ୨୦୨୩-୨୪ ଆର୍ଥିକ ବର୍ଷରେ ଅଭିବୃଦ୍ଧି ହାର ୮ରୁ ୮.୫ ପ୍ରତିଶତ ରହିବ । ୨୦୨୨-୨୩ ଅର୍ଥନୈତିକ ସର୍ଭେ ରିପୋର୍ଟରେ ତଥ୍ୟ ଦେଉଛନ୍ତି ସରକାର ।

ବିଶ୍ବରେ ଆର୍ଥିକ ମାନ୍ଦାବସ୍ଥା ସତ୍ବେ ରାଜ୍ୟ ରାଜସ୍ବ ସଂଗ୍ରହରେ ରେକର୍ଡ ସୃଷ୍ଟି । ରାଜ୍ୟରେ ମୁଣ୍ଡ ପିଛା ଆୟ ୧ଲକ୍ଷ ୫୦ହଜାର ୬୭୬ ରହିଛି । ମୁଣ୍ଡ ପିଛା ଆୟ ବୃଦ୍ଧିରେ ଜାତୀୟ ହାରଠାରୁ ଅଧିକ ରହିଛି । ୨୦୧୧-୧୨ରୁ ୨୦୨୨-୨୩ ମଧ୍ୟରେ ମୁଣ୍ଡପିଛା ଆୟ ୧୦.୯ପ୍ରତିଶତ ବଢ଼ିଛି । କୃଷି କ୍ଷେତ୍ରରେ ବ୍ୟାପକ ଭିତ୍ତିଭୂମି ବିକାଶ ଓ ବିପଣନ ଚାଷୀଙ୍କ ଆୟ ବୃଦ୍ଧିରେ ସହାୟକ ହୋଇଛି । ରୋଜଗାର ବୃଦ୍ଧି ଉପରେ ରାଜ୍ୟ ସରକାର ଜୋର ଦେଇଛନ୍ତି । ରାଜ୍ୟରେ ମହିଳାମାନଙ୍କୁ ଆତ୍ମନିଯୁକ୍ତିରେ ଜାତୀୟ ହାରଠୁ ଅଧିକ ସଫଳତା ପାଇଛି ଓଡ଼ିଶା ।

ମହିଳାଙ୍କ ନିଯୁକ୍ତି ହାର ଜାତୀୟ ସ୍ତରରେ ୩୨.୫ ପ୍ରତିଶତ। ଓଡ଼ିଶାରେ ନିଯୁକ୍ତି ହାର ୩୩.୨ପ୍ରତିଶତ ମହିଳାଙ୍କୁ ନିଯୁକ୍ତି। ବିତ୍ତୀୟ ପରିଚାଳନାରେ ଓଡ଼ିଶା ଭଲ ପ୍ରଦର୍ଶନ କରିଆସିଛି । ଗତ ୧୭ବର୍ଷରେ ନିରନ୍ତର ଭାବେ ବଳକା ରାଜସ୍ୱ ମାନ୍ୟତା ପାଇଛି ଓଡ଼ିଶା । ୨୦୧୯-୨୦ରେ ରାଜ୍ୟ ଘରୋଇ ଉତ୍ପାଦରେ ଅନ୍ୟ ରାଜ୍ୟକୁ ପଛରେ ପକାଇଛି । ହରିୟାଣା, ମହାରାଷ୍ଟ୍ର, ଗୁଜରାଟ, କର୍ଣ୍ଣାଟକ, ତାମିଲନାଡୁକୁ ପଛରେ ପକାଇଛି ଓଡ଼ିଶା ।