କମିଛି ଦୁର୍ଘଟଣା, ବଢ଼ିଛି ରାହାଜାନୀ

ଭୁବନେଶ୍ୱର: କମିଶନରେଟ୍ ପୋଲିସର ବାର୍ଷିକ ଅପରାଧ ରିପୋର୍ଟ ନେଇ ସୂଚନା ଦେଇଛନ୍ତି ଭୁଭନେଶ୍ୱର ଡିସିପି ଉମାଶଙ୍କର ଦାସ । କେଉଁ ଥାନାରେ କେତେ କେସ୍ ହୋଇଛି ? କାହିଁକି ବଢୁଛି ଚୋରି ରାହାଜାନୀ, ଛିନତାଇ ଓ ହତ୍ୟାକାଣ୍ଡ ଭଳି ଅପରାଧ, କେଉଁ ମାମଲାର ତଦନ୍ତ ଶେଷ ହୋଇଛି, କାହାର ଚାଲିଛି ଏ ସବୁର ସମୀକ୍ଷା କରିଛନ୍ତି ଡିସିପି । ଚଳିତ ବର୍ଷ ସମୁଦାୟ ୮ ହଜାର ୨୨୯ଟି ମାମଲା ରୁଜୁ ହୋଇଛି ।

ଏ ମଧ୍ୟରୁ ଦୁର୍ଘଟଣା ଜନିତ ୪୫୨ଟି ମାମଲା ରହିଛି । ଯାହା ଗତବର୍ଷ ଅପେକ୍ଷା କମ୍ ରହିଛି । ଲକଡାଉନ୍ ପାଇଁ କମିଛି ଦୁର୍ଘଟଣା । ୩୩୦ଟି ରାହାଜାନୀ ମାମଲା ରୁଜୁ ହୋଇଛି । ଗତବର୍ଷ ତୁଳନାରେ ବଢ଼ିଛି ରାହାଜାନୀ ମାମଲା । ୨୦୨୦ ମସିହାରେ ୧ ହଜାର ୬୮୯ଟି ଚୋରି ଘଟଣା ଘଟିଛି । ଚଳିତ ବର୍ଷ ୧୪୯ଟି ଦୁଷ୍କର୍ମ ମାମଲା ରୁଜୁ ହୋଇଛି ।

ଦାଦାବଟିକୁ ନା ଅଭିଯାନରେ ବର୍ତ୍ତମାନ ସୁଦ୍ଧା କମିଶନରେଟ୍ ପୋଲିସ ୪୪ ଜଣଙ୍କୁ ଗିରଫ କରିଛି । ଏବେ ସୁଧା ୧୫ ହଜାର ମାମଲା ପଡ଼ି ରହିଛି କମିଶନରେଟ ପୋଲିସରେ । ମାମଲା ଶୀଘ୍ର ସାରିବା ପାଇଁ ସମସ୍ତ ଥାନା ଅଧିକାରୀଙ୍କୁ ଭୁବନେଶ୍ୱର ଡିସିପି ଉମାଶଙ୍କର ଦାସ ନିର୍ଦ୍ଦେଶ ଦେଇଛନ୍ତି ।