ସୁପ୍ରିମକୋର୍ଟରେ ରିଭ୍ୟୁ ପିଟିସନ୍ ଖାରଜ, ‘ନିର୍ଭୟା’ ଦୋଷୀଙ୍କ ପାଖରେ ଆଉ ୨୦ ଦିନ…

ନୂଆଦିଲ୍ଲୀ: ଜୀବନ ଓ ଫାଶୀ ଠାରୁ କମୁଛି ‘ନିର୍ଭୟା’ ଦୋଷୀଙ୍କ ଦୂରତା । ସୁପ୍ରିମକୋର୍ଟ ଆଜି ଦୋଷୀ ଅକ୍ଷୟ କୁମାରଙ୍କ ରିଭ୍ୟୁ ପିଟିସନ୍ ଖାରଜ କରି ଦେଇଛନ୍ତି । ଏଥିସହ ନିର୍ଦ୍ଧାରିତ ସମୟରେ ବିକଳ୍ପ ଦୟା ଯାଚିକା ବ୍ୟବହାର କରିବାକୁ କୋର୍ଟ କହିଛନ୍ତି । ରିଭ୍ୟୁ ପିଟିସନ୍ ଖାରଜ ହେବା ପରେ ପଟିଆଲା ହାଉସ୍ କୋର୍ଟ ଡେଥ୍ ୱାରେଣ୍ଟ ଉପରେ ଶୁଣାଣି କରିଥିଲେ । କୋର୍ଟ ଦୋଷୀଙ୍କୁ ନୋଟିସ୍ ଜାରି କରିବା ସହ ଆସନ୍ତା ଜାନୁଆରୀ ୭ ତାରିଖରେ ମାମଲାର ପରବର୍ତ୍ତୀ ଶୁଣାଣି ପାଇଁ ଦିନ ଧାର୍ଯ୍ୟ କରିଛନ୍ତି ।

ଆଗକୁ ବିକଳ୍ପ

ଦୋଷୀଙ୍କୁ ରିଭ୍ୟୁ ପାଇଁ ଗୋଟିଏ ସପ୍ତାହ ଓ ରାଷ୍ଟ୍ରପତିଙ୍କୁ କ୍ଷମା ଆବେଦନ ଦେବା ପାଇଁ ସପ୍ତାହେ ସମୟ ଦିଆଯାଇପାରେ । ଅକ୍ଷୟ ମାମଲାରେ ରିଭ୍ୟୁ ପିଟିସନ ଖାରଜ ହେବା ପରେ କ୍ଷମା ଆବେଦନ କରିହେବ । ରାଷ୍ଟ୍ରପତିଙ୍କ ନିକଟରେ ଅନ୍ୟ ଜଣେ ଦୋଷୀ ବିନୟ କ୍ଷମା ଆବେଦନ କରିଛି । ଏହା ଖାରଜ ହେଲା ପରେ ହିଁ ଫାଶୀ ଦିଆଯିବ ।