ନଦୀ-ବନ୍ଧରେ ସୃଷ୍ଟି ହେଲା ୨୦୦ ମିଟରର ଫାଟ: ଗାଁ ଲୋକେ ଭୟବିତ

ନଦୀ ବନ୍ଧରେ ବିରାଟ ଫାଟ । ବନ୍ଧ ତଳୁ ମାଟି ଖସିଯିବା ଫଳରେ ଏହି ଫାଟ ସୃଷ୍ଟି ହୋଇଛି । ଧାମନଗର ବ୍ଲକ ପଧାନୀ ପଞ୍ଚାୟତ ସଇଲୋଠାରେ କୋଚିଳା ନଦୀ-ବନ୍ଧର ଦକ୍ଷିଣପାର୍ଶ୍ବରେ ୨୦୦ ମିଟରର ଫାଟ ଦେଖାଦେଇଛି ।

ଏହାପୂର୍ବରୁ ଏହି ନଦୀ-ବନ୍ଧର ମଝିରେ ଏକ ଫାଟ ହୋଇଥିଲା  । ତେବେ ନଦୀର ଜଳସ୍ଥର କମିଯିବାରୁ ତଳ ପଟୁ ମାଟି ଖସି ସେହି ସ୍ଥାନରେ ଫାଟ ପୁଣି ସୃଷ୍ଟି ହୋଇଥିବା ସୂଚନା ମିଳିଛି l ତେବେ ଏଭଳି ବାରମ୍ବାର ନଦୀ-ବନ୍ଧରେ ଫାଟ ହେବା କାରଣରୁ ଲୋକେ ଅନେକ ସମୟରେ ଭୟବିତ ଅବସ୍ଥାରେ ରହୁଛନ୍ତି  ।

ଏନେଇ ଖୁବଶୀଘ୍ର ବନ୍ଧର ମରାମତି କରାଯିବ ବୋଲି ଧାମନଗର ଜଳସେଚନ ବିଭାଗର କନିଷ୍ଠ ଯନ୍ତ୍ରୀ ସୂଚନା ଦେଇଛନ୍ତି  । ')}