ବାରିପଦା ବସଷ୍ଟାଣ୍ଡରୁ ୨୦୦ ଗ୍ରାମ ବ୍ରାଉନସୁଗାର ଜବତ

ବାରିପଦା: ବାରିପଦା ସହରରେ ଥିବା କୋଲକାତା ବସଷ୍ଟାଣ୍ଡରୁ ୨୦୦ ଗ୍ରାମ ବ୍ରାଉନସୁଗାର ଜବତ, ଜଣେ ଗିରଫ। ପଶ୍ଚିମବଙ୍ଗରୁ ମୟୂରଭଞ୍ଜ ଜିଲ୍ଲାକୁ ବସରେ ଆସୁଥିଲା ବ୍ରାଉନସୁଗାର। ଖବର ପାଇ ପୁଲିସ ଚଢ଼ାଉ କରି ୨୦୦ ଗ୍ରାମର ବ୍ରାଉନସୁଗାର ଜବତ କରିଛି । ଘଟଣାରେ ଭଞ୍ଜପୁର ଥାନା ତକତପୁର ଅଞ୍ଚଳର ଗୋବିନ୍ଦ ପାଳକୁ ଗିରଫ କରାଯାଇଛି। ଏନେଇ ଏସପି ଏସ ସୁଶ୍ରୀ ପୁଲିସ ସୂଚନା ଦେଇଛନ୍ତି। ଜବତ ବ୍ରାଉନସୁଗରର ଆନୁମାନିକ ମୂଲ୍ୟ ୨୦ଲକ୍ଷ ଟଙ୍କା ହେବ।

ବ୍ରାଉନସୁଗାର ପଶ୍ଚିମବଙ୍ଗ କୋଲକାତା, ମୁର୍ସିଦାବାଦ, ନଦିଆ ଆଦି ସ୍ଥାନରୁ ମୟୁରଭଞ୍ଜ ଜିଲ୍ଲାକୁ ନିୟମିତ ଭାବେ ଆସୁଥିବା ସୂଚନା ମିଳିଛି। ଗୋବିନ୍ଦ ପାଳ ପୂର୍ବରୁ ବ୍ରାଉନସୁଗାର କାରବାରରେ ଲିପ୍ତ ହୋଇ ୨୦୨୧ ଅପ୍ରେଲ ୧୩ରେ ଧରାପଡିଥିଲା। ସେତେବେଳେ ତାଠାରୁ ୪୧୭ଗ୍ରାମର ବ୍ରାଉନସୁଗର ଜବତ ହୋଇଥିଲା। ଏହାର ଆନୁମାନିକ ମୂଲ୍ୟ ୪୦ଲକ୍ଷ ଟଙ୍କା ଥିଲା। ଜେଲରୁ ବାହାରି ସେ ପୁଣି ସମାନ କାରବାରରେ ଜଡିତ ଥିବା ଏସପି ସୂଚନା ଦେଇଛନ୍ତି।