ସୁରତରୁ ଆସୁଥିବା ଟ୍ରେନରୁ ୨୦ ପ୍ରବାସୀ ଚମ୍ପଟ୍, ୬ ଜଣ କାବୁ
ଅନୁଗୁଳ: ରାଜ୍ୟ ସରକାର ବାହାର ରାଜ୍ୟର ଫସିଥିବା ଓଡ଼ିଆମାନଙ୍କୁ ଫେରାଇ ଆଣୁଛନ୍ତି । ତେବେ, ପ୍ରବାସୀମାନେ ଅଧିକାଂଶ ସ୍ଥାନରେ ନିୟମ ମାନୁନାହାଁନ୍ତି । ନିଜେ ସଂକ୍ରମିତ ହେବା ସହ ଅନ୍ୟମାନଙ୍କ ଜୀବନକୁ ବିପନ୍ନ କରିବାକୁ ଉଦ୍ୟମ କରୁଛନ୍ତି । ସୁରତରୁ ଓଡ଼ିଶା ଆସୁଥିବା ଏକ ଟ୍ରେନରୁ ପ୍ରାୟ ୨୦ ଜଣ ପ୍ରବାସୀ ଓଡ଼ିଆ ଖସି ପଳାଇଛନ୍ତି ।
ଅନୁଗୁଳ ଜିଲ୍ଲାର ମଝିକା ନିକଟରେ ସୁରତରୁ ପ୍ରବାସୀ ଓଡ଼ିଆଙ୍କୁ ନେଇ ଆସୁଥିବା ଟ୍ରେନର ଚେନ୍ ଟଣାଯାଇଛି । ଟ୍ରେନ୍ ଚେନ୍ ଟାଣିବା ପରେ ପ୍ରାୟ ୨୦ ଜଣ ପ୍ରବାସୀ ଟ୍ରେନରୁ ଖସି ଯାଉଥିବା ବେଳେ ସ୍ଥାନୀୟ ଗ୍ରାମବାସୀ ୬ ଜଣଙ୍କୁ କାବୁ କରି ପୋଲିସ ଜିମା ଦେଇଛନ୍ତି ।
ଟ୍ରେନ୍ ଏବଂ ବିମାନ ଚଳାଚଳ ନେଇ ପ୍ରଧାନମନ୍ତ୍ରୀଙ୍କୁ ରିପୋର୍ଟ ଦେଲା ମନ୍ତ୍ରୀ ସ୍ତରୀୟ କମିଟି
ଧରାପଡ଼ିଥିବା ୬ ଜଣଙ୍କ ମଧ୍ୟରୁ ୩ ଜଣ ଦେବଗଡ଼ ଜିଲ୍ଲାର ହୋଇଥିବା ଜଣାପଡ଼ିଛି । ତେବେ, ଅନ୍ୟମାନଙ୍କ ସନ୍ଧାନ ମିଳିନାହିଁ । ପୋଲିସ ଖୋଜାଖୋଜି କରୁଛି ।
