କୋଟାରେ ନାମଲେଖା ଆଳରେ ଆଶାୟୀଙ୍କ ଠାରୁ ଠକିନେଲେ ୨୦ ଲକ୍ଷ

ଭୁବନେଶ୍ବର: ଏନଆରଆଇ କୋଟାରେ ନାମଲେଖା ଆଳରେ ଠକେଇ ଘଟଣା । ୧୩ ଆଶାୟୀଙ୍କ ଠାରୁ ୨୦ ଲକ୍ଷ ଟଙ୍କା ଠକିଛନ୍ତି ଠକ । ସ୍ପେଶାଲ କ୍ରାଇମ ୟୁନିଟ ନିକଟରେ ବଢୁଛି ଅଭିଯୋଗର ଫର୍ଦ୍ଦ । ପୂର୍ବରୁ ଏହି ଘଟଣାରେ ରାଜେଶ ରୋଶନ ସାହୁ ଓ ଅଭିନନ୍ଦନ ବାରିକ ଗିରଫ ହୋଇଥିଲେ । ସିଣ୍ଡିକେଟ ମାଷ୍ଟରମାଇଣ୍ଡ ଥିଲା ଅଭିନନ୍ଦନ ବାରିକ ।

ସୋସିଆଲ ମିଡିଆ ଜରିଆରେ ୧୦ରୁ ଉର୍ଦ୍ଧ ଛାତ୍ରଛାତ୍ରୀ ଅଭିଯୋଗ କରିଛନ୍ତି । କିଛି ନାମିଦାମୀ ଶିକ୍ଷାନୁଷ୍ଠାନର କର୍ମଚାରୀ ଠକେଇରେ ସାମିଲ ଅଛନ୍ତି  । ରିମାଣ୍ଡରେ ଆଣି ପଚରାଉଚରା ବେଳେ ବହୁ ଗୁରୁତ୍ୱପୂର୍ଣ୍ଣ ତଥ୍ୟ ପଦାକୁ ଆସିଛି । DF Acadiy ନାଁରେ ସଂସ୍ଥା ଖୋଲି ଲକ୍ଷାଧିକ ଟଙ୍କା ଚୁନା ଲଗାଉଥିଲେ ଠକ ।