ସ୍ବାସ୍ଥ୍ୟ ସେବା କ୍ଷେତ୍ରରେ ସୃଷ୍ଟି ହେଲା ୨ ହଜାର ଡାକ୍ତର ପଦବୀ

ଭୁବନେଶ୍ୱର: ରାଜ୍ୟ ସ୍ବାସ୍ଥ୍ୟ ସେବାରେ ଯୋଡ଼ି ହେଲା ନୂଆ ଅଧ୍ୟାୟ । ସୃଷ୍ଟି ହେଲା ନୂଆ ୨ ହଜାର ଡାକ୍ତର ପଦବୀ । ଓଡ଼ିଶା ମେଡିକାଲ ଓ ସ୍ବାସ୍ଥ୍ୟସେବା କ୍ୟାଡରର ଗ୍ରୁପ-ଏ ଜୁନିଅର ବ୍ରାଞ୍ଚରେ ୨ ହଜାର ଏଲଟିଆରଏମଓ ପଦବୀ ସୃଷ୍ଟି ହୋଇଛି । ଓଆରଏସପି ନିୟମାବଳୀ ୨୦୧୭ର ଲେବଲ-୧୨ ପେ ମାଟ୍ରିକ୍ସ ଅନୁସାରେ ସେମାନଙ୍କ ଦରମା ଧାର୍ଯ୍ୟ ହେବ ।

୩୦ଟି ଜିଲ୍ଲା ମୁଖ୍ୟ ହସ୍ପିଟାଲରେ ୫୦ଟି ଲେଖାଏ ଏଲଟିଆରଏମଓ ନିଯୁକ୍ତ ହେବେ । ଏହା ସହ ଆରଜିଏଚ ରାଉରକେଲାରେ ୨୦ଜଣ ନିଯୁକ୍ତି ପାଇବେ । ସେହିପରି ୩୨ଟି ଉପଖଣ୍ଡ ହସ୍ପିଟାଲରେ ୧୫ଜଣ ଲେଖାଏ ଏଲଟିଆରଏମଓ ନିଯୁକ୍ତ ହେବେ ।