ଜାମୁ କାଶ୍ମୀର କିସ୍ତୱାଡରେ ସୁରକ୍ଷାକର୍ମୀ-ଆତଙ୍କୀ ମଧ୍ୟରେ ଗୁଳିବିନିମୟ ,୨ ଯବାନ ସହିଦ

ଶ୍ରୀନଗର : ଜାମ୍ମୁ କାଶ୍ମୀରରେ ଆଜି ମଧ୍ୟ ଗୁଳିବିନିମୟ ଜାରି ରହିଛି। କିସ୍ତୱାଡରେ ମୁହାଁମୁହିଁ ହୋଇଛନ୍ତି ସୁରକ୍ଷାକର୍ମୀ ଓ ଆତଙ୍କୀ। କିସ୍ତୱାଡ ଅଂଚଳରେ କିଛି ଆତଙ୍କୀ ଲୁଚିଥିବା ଖବର ପାଇ ଘେରାଉ କରିଛନ୍ତି ସେନାର ଯବାନ।ସୁରକ୍ଷାକର୍ମୀ ଓ ଆତଙ୍କୀଙ୍କ ମଧ୍ୟରେ ଚାଲିଛି ଗୁଳିବିନିମୟ। ଗତକାଲି ଅନନ୍ତନାଗ ଜିଲ୍ଲାର ଅହଲାନ ଗଡୋଲେ ଅଂଚଳରେ ଘଟିଥିଲା ଗୁଳିବିନିମୟ।

ଗୁଳିବିନିମୟରେ ୨ ଯବାନ ସହିଦ ହୋଇଥିବାବେଳେ ଜଣେ ସ୍ଥାନୀୟ ନାଗରିଙ୍କ ମଧ୍ୟ ମୃତ୍ଯୁ ଘଟିଥିଲା।ଏହି ଅଂଚଳ ଦେଇ ସେନାର ଯବାନ ଯାଉଥିବାବେଳେ ଆତଙ୍କୀ ଟାର୍ଗେଟ କରିଥିଲେ। ଜଙ୍ଗଲରେ ଲୁଚିଥିବା ଆତଙ୍କୀଙ୍କୁ ଧରିବାକୁ
ଗତ କାଲିଠାରୁ ଚାଲିଥିଲା ଜୋରଦାର ଅପରେସନ। ୨୦୨୩ରେ କୋକେରନାଗ ଜଙ୍ଗଲରେ ଆତଙ୍କୀଙ୍କ ସହ ଯବାନ ମୁହାଁମୁହିଁ ହୋଇଥିଲେ।ଏଥିରେ ଜଣେ କମାଣ୍ଡିଂ ଅଫିସର, ଜଣେ ମେଜର ଏବଂ ଜଣେ ଡିଏସପି ସହିଦ ହୋଇଥିଲେ।