ମୂର୍ତ୍ତି ବିସର୍ଜନ ବେଳେ ପ୍ରଖର ସ୍ରୋତରେ ଭାସିଗଲେ ୨ ଯୁବକ

ଉଦ୍ରକ: ଦୁର୍ଗା ମୂର୍ତ୍ତି ବିସର୍ଜନ ସମୟରେ ଅଘଟଣ । ନଦୀର ପ୍ରଖର ସ୍ରୋତରେ ଭାସିଗଲେ 2 ଯୁବକ । ଜଣେ ଉଦ୍ଧାର ହୋଇଥିବା ବେଳେ ଅନ୍ୟ ଜଣେ ନିଖୋଜ । ଭଦ୍ରକ ସହର ଜାନୁଗଞ୍ଜ ସାହିରରେ ଆଜି ଅନୁଷ୍ଠିତ ହେଉଥିଲା ଦୁର୍ଗା ମୂର୍ତ୍ତି ଭସାଣି ଉତ୍ସବ ।

ସାଳନ୍ଦୀ ନଦୀର ବାଉଦପୁର ଘାଟରେ ମୂର୍ତ୍ତି ବିସର୍ଜନ ହେଉଥିବା ସମୟରେ ଦୁଇଜଣ ଯୁବକ ଭାସି ଯାଇଥିଲେ । ସେମାନଙ୍କ ମଧ୍ୟରୁ ଜଣଙ୍କୁ ସ୍ଥାନୀୟ ଲୋକେ ଉଦ୍ଧାର କରି ମେଡିକାଲରେ ଭର୍ତ୍ତି କରିଥିଲେ । ଅନ୍ୟ ଜଣେ ଯୁବକ ନଦୀର ପ୍ରଖର ସ୍ରୋତରେ ଭାସି ଯାଇଥିବା ବେଳେ ରାତି ଅନ୍ଧାର ହୋଇଥିବାରୁ ଉଦ୍ଧାର କାର୍ଯ୍ୟ ହୋଇପାରି ନାହିଁ ।