ବିଳମ୍ବିତ ରାତିରେ ଘରକୁ ଫେରୁଥିବା ବେଳେ ଠିକାଦାରଙ୍କୁ ମରଣାନ୍ତକ ଆକ୍ରମଣ
କେନ୍ଦ୍ରାପଡ଼ା: ଦୋବନ୍ଧା ଛକରେ ଠିକାଦାରଙ୍କୁ ମରଣାନ୍ତକ ଆକ୍ରମଣ । ଗୁରୁତର ଠିକାଦାର ହେଲେ ପଟ୍ଟାମୁଣ୍ଡାଇ ପୋଖରୀଆପଡ଼ାର ଶୁଭେନ୍ଦୁ ରାଉତ । ଗତକାଲି ବିଳମ୍ବିତ ରାତିରେ ସେ କେନ୍ଦ୍ରାପଡ଼ାରୁ ଘରକୁ ଫେରୁଥିଲେ । ଏହି ସମୟରେ ଏକ ପଲସରରେ ୨ ଦୁର୍ବୃତ୍ତ ପିଛା କରିଥିଲେ ଏବଂ ମରଣାନ୍ତକ ଆକ୍ରମଣ କରିଥିଲେ । ଆକ୍ରମଣରେ ଶୁଭେନ୍ଦୁ ଚେତାଶୂନ୍ୟ ହୋଇପଡିଥିବା ଦେଖି ଦୁର୍ବୃତ୍ତମାନେ ସେମାନଙ୍କୁ ଛାଡି ପଳାଇଥିଲେ ।
ଘଟଣାସ୍ଥଳରୁ ଶୁଭେନ୍ଦୁଙ୍କୁ ଉଦ୍ଧାର କରି ପଟ୍ଟାମୁଣ୍ଡାଇ ମେଡିକାଲରେ ଭର୍ତ୍ତି କରିଥିଲା । ତେବେ ଅବସ୍ଥା ଗୁରୁତର ଥିବାରୁ ତାଙ୍କୁ କଟକ ବଡ ମେଡିକାଲ ସ୍ଥାନାନ୍ତର କରାଯାଇଛି । ସୂଚନା ଅନୁସାରେ କେନ୍ଦ୍ରାପଡ଼ା ଜିଲ୍ଲା ଗ୍ରାମ୍ୟ ଜଳ ଯୋଗାଣ ଓ ପରିମଳ ବିଭାଗରେ ହୋଇଥିବା ଟେଣ୍ଡର ଫିକ୍ସିଂର ଭିଡିଓ ଭାଇରାଲ କରିଥିଲେ ଶୁଭେନ୍ଦୁ । ଏହାସହ କାର୍ଯ୍ୟାଳୟରେ କାମ କରୁଥିବା ତିନିଜଣ ଅଧିକାରୀଙ୍କ ନାମରେ ବିଭିନ୍ନ ଦୁର୍ନୀତିର ଅଭିଯୋଗ ଆଣି ସେ ଚର୍ଚ୍ଚାରେ ଥିଲେ । ଏଥିପାଇଁ ଆକ୍ରମଣ କରିଯାଇଥାଇ ପାରେ ବୋଲି ସନ୍ଦେହ କରାଯାଉଛି ।
