ପୋଖରୀରେ ବୁଡ଼ି ୨ ନାବାଳିକା ମୃତ

କନ୍ଧମାଳ: କନ୍ଧମାଳ ଜିଲ୍ଲା ବାଲିଗୁଡ଼ା ସୂଡ୍ରା ପଞ୍ଚାୟତର ଜାର୍ଗୀ ଗାଁରେ ଅଭାବନୀୟ ଘଟଣା । ପୋଖରୀରେ ବୁଡ଼ି ୨ ନାବାଳିକାଙ୍କ ମୃତ୍ୟୁ ହୋଇଛି । ମୃତକ ଦୁଇ ନାବାଳିକା ହେଲେ ଝରଣା ମଲ୍ଲିକ ଓ ଆଲଫା ହାତୀ । ଜଣଙ୍କର ବୟସ ୫ ବର୍ଷର ହୋଇଥିବା ବେଳେ, ଅନ୍ୟ ଜଣଙ୍କ ବୟସ ୭ ବର୍ଷ ବୋଲି ଜଣାପଡ଼ିଛି । ତେବେ କେଉଁ ପରିସ୍ଥିତିରେ ସେମାନେ ପୋଖରୀକୁ ଗଲେ ଏବଂ ପରିବାର ଲୋକେ ସେ ସମୟରେ କେଉଁଠି ଥିଲେ । ଘଟଣାର ତଦନ୍ତ ପରେ ହିଁ ପ୍ରକୃତ ଘଟଣା ସାମ୍ନାକୁ ଆସିବ । ତେବେ ସ୍ଥାନୀୟ ଲୋକଙ୍କ କହିବା ଅନୁଯାୟୀ ଦୁଇଜଣ ଖେଳୁଥିବା ସମୟରେ ପୋଖରୀରେ ପଡି ମୃତ୍ୟୁବରଣ କରିଛନ୍ତି ।