ଭଦ୍ରକ: ଧାମରା ପୋର୍ଟରେ ଲାଗିଛି ହଂକଂର ୨ଟି ଜାହାଜ। ଏହି ୨ଟି ଜାହାଜ ହଂକଂର ହୋଇଥିବା ବେଳେ ଏହା ବାଂଲାଦେଶର ଚିଟାଗଙ୍ଗରୁ ଗତକାଲି ଆସି ଧାମରାରେ ଲାଗିଛି। ଏସଂପର୍କରେ ପ୍ରଶାସନ ପକ୍ଷରୁ ସୂଚନା ଦିଆଯାଇଛି ।
ଦୁଇ ଜାହାଜରେ ୪୪ଜଣ କ୍ରିଉ ମେମ୍ବର ହେଉଛନ୍ତି ଚୀନ୍ ନାଗରିକ। ଧାମରାର ଜିରୋ ପଏଣ୍ଟରେ ଜାହାଜ ଦୁଇଟିକୁ ରଖାଯାଇ ନିୟମିତ ଭାବେ କ୍ରିଉ ମେମ୍ବରଙ୍କ ସ୍ୱାସ୍ଥ୍ୟ ପରୀକ୍ଷା କରାଯାଉଛି। ପରୀକ୍ଷାରୁ କରୋନା ଭାଇରସ ଲକ୍ଷଣ ନଥିବା ବେଳେ ଏହାକୁ ନେଇ ଭୟଭୀତ ନହେବାକୁ ଅତିରିକ୍ତ ଜିଲ୍ଲାପାଳ କହିଛନ୍ତି।
