ନଦୀରୁ ଭାଉଜ-ଦିଅରଙ୍କ ମୃତଦେହ ଉଦ୍ଧାର

ଜୟପୁର: କୋରାପୁଟ ଜିଲ୍ଲା  ବୈପାରିଗୁଡା ଥାନା ଅନ୍ତର୍ଗତ କୁନ୍ଦୁରା ଅଞ୍ଚଳର  କଳାପଡାରେ  ଏକ ଦୁଃଖଦ  ଘଟଣା ଦେଖିବାକୁ ମିଳିଛି l  ସୋମବାର ରାତିରେ କଳାପଡାର ଗୋଟିଏ ପରିବାରର ୨ ଜଣ ନଦୀରେ ବୁଡି ମୃତ୍ୟୁ ହୋଇଥିବା ଜଣାପଡିଛି l ସୋମବାର ଅପରାହ୍ନରେ  ଉକ୍ତ ଗ୍ରାମର ଚଇତୁ ପରଜା ଓ ତାଙ୍କ ଭାଉଜ ଜଲବା ପରଜା  ନିଜ ସମ୍ପର୍କୀୟଙ୍କ ଦଶାହ କାର୍ଯ୍ୟକ୍ରମରେ ଯୋଗ ଦେବାପାଇଁ  କଳାପଡାର ଠାରୁ  ଡେଙ୍ଗାକୁସୁମ ଗୁଡାକୁ ଯାଉଥିଲେ l ହେଲେ  କନିଆଯୋଡି ନଦୀ ପlର ହୋଇ ଯାଉଥିବା ବେଳେ  ନଦୀରେ ଗୋଡ଼ ଖସି ଯିବାଫଳରେ ୨ଙ୍କ ମୃତ୍ୟୁ ହୋଇଥିବା ଜଣାପଡିଛି l

ନିକଟସ୍ଥ  ଗ୍ରାମବାସୀ  ସଙ୍ଗେ ସଙ୍ଗେ ବୈପାରିଗୁଡା ଅଗ୍ନିଶମ ବିଭାଗକୁ ଖବର ଦେବା  ପରେ ବୈପାରିଗୁଡା  ଅଗ୍ନିଶମ ବିଭାଗ ଅଧିକାରୀ ସୁଶାନ୍ତ ମହାନ୍ତି  ନିଜ ଟିମ ସହ ଘଟଣା ସ୍ଥଳରେ ପହଁଚିଥିଲେ l  ଭାଉଜ ଓ ଦିଅରଙ୍କ ମୁତ୍ୟଦେହ ଉଦ୍ଧାର କରିଥିଲେ  l ଏନେଇ ବୈପାରିଗୁଡା ଥାନାରେ ଏକ ମାମଲାରୁଜୁ ହୋଇଥିବା ବେଳେ ଶବ ବ୍ୟବଛେଦ ପରେ ପରିବାର ଲୋକଙ୍କୁ ହସ୍ତାନ୍ତର କରାଯିବ ବୋଲି ପୋଲିସ ପକ୍ଷରୁ ସୂଚନା ମିଳିଛି l