୨ଦିନ ଧରି ବୈତରଣୀରେ ଭାସୁଥିଲା ଶବ

କେନ୍ଦୁଝର: ବସ୍ତାରୁ ମିଳିଲା ମୃତଦେହ । ୨ ଦିନ ହେଲା ନଦୀରେ ଭାସୁଥିଲା । ଏଭଳି ଘଟଣାକୁ ନେଇ କେନ୍ଦୁଝର ଜିଲ୍ଲାରେ ଚାଞ୍ଚଲ୍ୟ ।  ଫୁଲକଁଳେଇ ଖଲି ଚଉପତି ଘାଟରୁ ମିଳିଲା ୨ଟି ଶବ । ମୃତକଙ୍କ ପରିଚୟ ମିଳିପାରିନି । ତେବେ ଏଥିରେ ଜଣେ ମହିଳା ଓ ଅନ୍ୟଜଣେ ପୁରୁଷ ରହିଛନ୍ତି ।

ପୂର୍ବରୁ ବୈତରଣୀ ନଦୀରେ ଶବ ଭାସୁଥିବା ଦେଖିଥିଲେ ସ୍ଥାନୀୟଲୋକେ । ଖବର ମିଳିବା ପରେ ପୋଲିସ ପହଞ୍ଚି ଅଖାରୁ ଶବକୁ ଉଦ୍ଧାର କରିଛି । ତେବେ ଏଠି ପ୍ରଶ୍ନ ଉଠୁଛି ଏହି ମୃତଦେହ କାହାର ? ଏମାନଙ୍କୁ ହତ୍ୟା ପରେ ନଦୀରେ କିଏ ଫିଙ୍ଗିଦେଇଛି କି ? ସେମାନେ ସ୍ଥାନୀୟ ଅଞ୍ଚଳର ନା ବାହାର ଜିଲ୍ଲାର ? ପୋଲିସର ତଦନ୍ତ ପରେ ମୃତଦେହର ମିଷ୍ଟ୍ରୀ ଉପରୁ ହଟିବ ପରଦା ।