ନୟାଗଡ଼: ନୟାଗଡ଼ ଦଶପଲ୍ଲା ବ୍ଲକ୍ ୫୭ ନଂ ଜାତୀୟ ରାଜପଥର ଖଡାପିଟା ଘାଟିରେ ସଡ଼କ ଦୁର୍ଘଟଣା। ଭାରସାମ୍ୟ ହରାଇ ଦୁର୍ଘଟଣାଗସ୍ତ ହେଲା ସ୍କୁଟି। ଘଟଣାସ୍ଥଳରେ ୨ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣକ ଅବସ୍ଥା ଗୁରୁତର ଥିବା ଜଣାପଡିଛି। ସୂଚନା ଅନୁସାରେ ସ୍କୁଟିରେ ୩ ଜଣ ଯୁବକ ରାଧେଶ୍ୟାମ ଖର୍ଦି, ଆଲୋକ ଶତପଥୀ ଓ ମନୋଜ କୁମାର ନାୟକ ଭୁବନେଶ୍ୱରରୁ ବାଲିଗୁଡା ଅଭିମୁଖେ ଯାଉଥିଲେ। ରାସ୍ତାରେ ଗଲା ବେଳେ ସ୍କୁଟିଟି ଭାରସାମ୍ୟ ହରାଇ ଦୁର୍ଘଟଣା ଗ୍ରସ୍ତ ହୋଇଥିଲା।
ଦୁର୍ଘଟଣା ସମୟରେ ଦୁଇଜଣଙ୍କର ସେହି ସମୟରେ ହିଁ ମୃତ୍ୟୁ ହୋଇଯାଇଥିଲା। ତେବେ ଗୁରୁତରଙ୍କୁ ଡାକ୍ତରଖାନାରେ ଭର୍ତ୍ତି କରାଯିବା ସହ ପୋଲିସ ଘଟଣାସ୍ଥଳରେ ପହଁଚି ସ୍କୁଟିକୁ ଜବତ କରିଛି। ପ୍ରାଥମିତ ତଦନ୍ତରୁ ଜଣାପଡ଼ିଛି ରାଧେଶ୍ୟାମ, ଆଲୋକ ଓ ମନୋଜଙ୍କ ଘର କନ୍ଧମାଳ ଜିଲ୍ଲା ବାଲିଗୁଡ଼ା ଅଞ୍ଚଳରେ।
