ପ୍ରକାଶ ପାଇଲା ଯୁକ୍ତ ଦୁଇ ବାଣିଜ୍ୟ ଫଳାଫଳ, ପାସ୍ ହାର ୭୪.୯୫ ପ୍ରତିଶତ

ଭୁବନେଶ୍ୱର: ପ୍ରକାଶ ପାଇଲା ଯୁକ୍ତ ଦୁଇ ବାଣିଜ୍ୟ ଫଳାଫଳ । CHSE କାର୍ଯ୍ୟାଳୟରେ ପରୀକ୍ଷା ଫଳାଫଳ ଘୋଷଣା କରାଯାଇଛି ।  ଏଥର ବାଣିଜ୍ୟରେ ପାସ୍ ହାର ରହିଛି ୭୪.୯୫ ପ୍ରତିଶତ । ୱେବସାଇଟରେ ଫଳ ଦେଖିପାରିବେ ଛାତ୍ରଛାତ୍ରୀ । ତେବେ  ପ୍ରାୟ ୨୫ ହଜାର ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ ଚଳିତ ବର୍ଷ ରେଜଲ୍ଟ ଭଲ ରହିଥିବା ଜଣାପଡ଼ିଛି  ।

ପୂର୍ବରୁ ଯୁକ୍ତ ଦୁଇ ବିଜ୍ଞାନ  ରେଜଲ୍ଟ ପ୍ରକାଶ ପାଇଥିବା ବେଳେ କଳାର ରେଜଲ୍ଟ କେବେ ବାହାରିବ ସେଇ ଆଶଙ୍କା ରଖାଯାଇଥିଲା ଏହାର ଉତ୍ତର ରଖିଛନ୍ତି ଗଣଶିକ୍ଷା ମନ୍ତ୍ରୀ ସମୀର ରଞ୍ଜନ ଦାସ  । ଖାତା ଦେଖା ସରିଛି, ଆଗଷ୍ଟ ଶେଷ ସପ୍ତାହରେ ବାହାରିପାରେ କଳା ରେଜଲ୍ଟ ବୋଲି ମନ୍ତ୍ରୀ ପ୍ରକାଶ କରିଛନ୍ତି । ଚଳିତବର୍ଷ ପ୍ରାୟ ୨୫ ହଜାର ଛାତ୍ରଛାତ୍ରୀ ପରୀକ୍ଷା ଦେଇଥିବା ବେଳେ  ୭୪.୯୫ ପ୍ରତିଶତ ପିଲା ପାସ୍ କରିଛନ୍ତି  । ତେବେ ନୟାଗଡ ଜିଲ୍ଲା ଭଲ ରେଜଲ୍ଟ କରିଛି । ଏହାସହ ଶିକ୍ଷକ ଶିକ୍ଷୟତ୍ରୀ ଧନ୍ୟବାଦ ଜଣାଇଛନ୍ତି ମନ୍ତ୍ରୀ । ସେହିଭଳି ଦେଓଗଡ଼ ଜିଲ୍ଲାରେ ସର୍ବନିମ୍ନ ରେଜଲ୍ଟ କରିଥିବବା ଜିଲ୍ଲା ବୋଲି ଜଣାପଡ଼ିଛି ।

ପରୀକ୍ଷାରେ ୯୦ ପ୍ରତିଶତ ମାର୍କ ୪୦ ଜଣ ରଖିଛନ୍ତି । ସେହିଭଳି ପ୍ରଥମ ଶ୍ରେଣୀରେ ୬୬୧୦ଜଣ ପିଲା ପାସ୍ କରିଛନ୍ତି । ଏବଂ ଦ୍ୱିତୀୟ ଶ୍ରେଣୀରେ ୪,୨୫୯ଜଣ ପାସ୍ କରିଥିବା ବେଳେ ୮୩୬୧ ଜଣ ପିଲା ତୃତୀୟ ଶ୍ରେଣୀରେ ପାସ୍ କରିଛନ୍ତି ।

ୱେବସାଇଟରୁ କେମିତି ଫଳାଫଳ ଜାଣିବେ ?

୧. ଅଫିସିଆଲ ୱେବସାଇଟ୍ orissaresults.nic.in କୁ ଯାଆନ୍ତୁ

୨: ରେଜଲ୍ଟ ପାଇଁ ଥିବା ଲିଙ୍କ୍ ଉପରେ କ୍ଲିକ୍ କରନ୍ତୁ

୩ : ଲଗଇନ୍ ପେଜରେ ରୋଲ୍ ନମ୍ବର ଓ ଅନ୍ୟ ବିବରଣୀ ଦିଅନ୍ତୁ

୪: ସବମିଟ୍ ବଟନ କ୍ଲିକ୍ କରନ୍ତୁ ଓ ରିଜଲ୍ଟର ପ୍ରିଣ୍ଟଆଉଟ୍ ନିଅନ୍ତୁ