ଶୋଇଥିବା ବେଳେ ୨ଶିଶୁଙ୍କ ଦେହରେ ଡିବିରିରୁ ଲାଗିଲା ନିଆଁ

ମାଲକାନଗିରି: ମାଲକାନଗିରି ଜିଲ୍ଲା ଗୌଡ଼ଗୁଡ଼ା ଗାଁରେ ଏହି ଅଘଟଣ ଘଟିଛି । ଡିବିରିରୁ ନିଆଁ ଲାଗି ଭାଇ-ଭଉଣୀ ଗୁରୁତର । ଗୁରୁତର ଭାଇର ବୟସ ୮ ବର୍ଷ ଓ ଭଉଣୀର ବୟସ ୨ ବର୍ଷ ।

ସୂଚନା ମୁତାବକ ଭାଇ-ଭଉଣୀ ଘରେ ଶୋଇଥିବା ବେଳେ ପାଖରେ ଜଳୁଥିବା ଡିବିରିରୁ କମ୍ବଳରେ ନିଆଁ ଲାଗି ଯାଇଥିଲା । ଘରେ ଆଉ କେହି ନଥିଲେ । ନିଆଁ ଜଳୁଥିବା ଅବସ୍ଥାରେ ଭାଇ-ଭଉଣୀ ଘରୁ ବାହାରକୁ ଦୌଡ଼ି ପଳାଇ ଯାଇଥିଲେ । ଦୁଇଶିଶୁଙ୍କୁ ଗୁରୁତର ଅବସ୍ଥାରେ ସ୍ଥାନୀୟ ଲୋକ ଉଦ୍ଧାର କରି ପ୍ରଥମେ ମାଲକାନଗିରି ମେଡିକାଲରେ ଭର୍ତ୍ତି କରାଯାଇଥିଲା । ପରେ କୋରାପୁଟ ସ୍ଥାନାନ୍ତର କରାଯାଇଛି ।