ମୃତକଙ୍କ ପରିବାରକୁ ମାଲିକ ଦେଲେ ଅଢେଇ ଲକ୍ଷ ଟଙ୍କା ଆର୍ଥିକ ସହାୟତା

ରାଉରକେଲା: ପାନପୋଷ ଛକ ନିକଟରେ ମିଠା ଦୋକାନରେ ନିଆଁ ଲାଗି ଜୀବନ୍ତ ଦଗ୍ଧ ହୋଇଥିବା କର୍ମଚାରୀଙ୍କ ପରିବାରଙ୍କୁ ହୋଟେଲ ମାଲିକ ଅଢେଇ ଲକ୍ଷ ଟଙ୍କା ଆର୍ଥିକ ସହାୟତା ପ୍ରଦାନ କରିଛନ୍ତି । ସହାୟତା ପାଇବା ପରେ ପରିବାର ଲୋକେ ଆଜି ମୃତଦେହ ଦାହ ସଂସ୍କାର ପାଇଁ ନେଇଛନ୍ତି । ଅନ୍ୟ ଦୁଇଜଣ ଆହତ କର୍ମଚାରୀଙ୍କୁ ରାଉରକେଲା ସରକାରୀ ଡାକ୍ତରଖାନାରେ ଚିକିତ୍ସିତ କରାଯାଉଥିବା ବେଳେ ସେମାନେ ଏବେ ସୁସ୍ଥ ଥିବା ଡାକ୍ତର ସୂଚନା ଦେଇଛନ୍ତି । ହୋଟେଲରେ ମହଜୁଦ ଥିବା କିରୋସିନି ଓ ଡିଜେଲରେ ନିଆଁ ଲାଗିଵାରୁ ଏହି ବିସ୍ଫୋରଣ ହୋଇଥିଵା ଆହତ କର୍ମଚାରୀ ସୂଚନା ଦେଇଛନ୍ତି ।

ଗତକାଲି ପାନପୋଷ ଛକରେ ଥିବା ମିଠା ଦୋକାନରେ ଦୀପାବଳି ପାଇଁ ମଠା ତିଆରି ଚାଲିଥିବାବେଳେ ଡିଜେଲ ଷ୍ଟୋଭ ଟାଙ୍କି ଫାଟି ଜଣେ କର୍ମଚାରୀଙ୍କ ମୃତ୍ୟୁ ହୋଇଥିଲା । ବିହାର ଓ ଝାଡ଼ଖଣ୍ଡ ଅଞ୍ଚଳର ୧୨ ଜଣ କର୍ମଚାରୀ ମିଠା ତିଆରି କାମରେ ନିୟୋଜିତ ଥିବାବେଳେ ଘଟିଥିଲା ବିସ୍ଫୋରଣ । ଏଥିରେ ଅରୁଣ ଯାଦବଙ୍କ ମୃତ୍ୟୁ ହୋଇଥିଲା । ଆଜି କ୍ଷତିପୂରଣ ପାଇବା ପରେ ଗୟାରୁ ତାଙ୍କ ପରିବାର ଲୋକେ ଆସି ହସପିଟାଲ ମର୍ଗ ହାଉସରୁ ମୃତଦେହ ନେଇ ଘରକୁ ଫେରିଛନ୍ତି ।