ବ୍ୟାପିବାରେ ଲାଗିଛି ମଙ୍କିପକ୍ସ, ଆମେରିକାରେ ପ୍ରଥମ ଆକ୍ରାନ୍ତ ଚିହ୍ନଟ

ଓ୍ୱାଶିଂଟନ: ମାଡ଼ୁଛି ମଙ୍କି ପକ୍ସ । କାନାଡ଼ା ପରେ ଆମେରିକାରେ ମଙ୍କି ପକ୍ସ ଆକ୍ରାନ୍ତ ଚିହ୍ନଟ ହୋଇଛନ୍ତି । ଆକ୍ରାନ୍ତ ବ୍ୟକ୍ତି ନିକଟରେ କାନାଡ଼ାରୁ ଫେରିଥିବା ଜଣାପଡ଼ିଛି । ଆମେରିକାର ସେଣ୍ଟର ଫର ଡିଜିଜ୍ କଣ୍ଟ୍ରୋଲ ଆଣ୍ଡ ପ୍ରିଭେନସନ ପକ୍ଷରୁ ଏନେଇ ସୂଚନା ଦିଆଯାଇଛି । ଆକ୍ରାନ୍ତ ବ୍ୟକ୍ତିଙ୍କ ସଂସ୍ପର୍ଶରେ ଆସିଥିବା ଲୋକମାନଙ୍କୁ ନୀରିକ୍ଷଣରେ ରଖାଯିବା ସହ ସ୍ବାସ୍ଥ୍ୟ ପରୀକ୍ଷା କରାଯାଇଛି । ତେବେ ମଙ୍କି ପକ୍ସରେ ଆକ୍ରାନ୍ତ ବ୍ୟକ୍ତି ହସ୍ପିଟାଲରେ ଥିବାବେଳେ ସ୍ୱାସ୍ଥ୍ୟବସ୍ଥା ସ୍ଥିର ଥିବା ସୂଚନା ରହିଛି । ଏହା ଏକ ବିରଳ ଭୂତାଣୁ ହୋଇଥିବା ବେଳେ ଆକ୍ରାନ୍ତ ଗୁରୁତର ହେବା ଆଶଙ୍କା ରହିଛି ବୋଲି ସ୍ୱାସ୍ଥ୍ୟ ବିଶେଷଜ୍ଞ କହିଛନ୍ତି । କାନାଡ଼ା ଓ ବ୍ରିଟେନରେ ଏହି ରୋଗୀଙ୍କ ସଂଖ୍ୟା ବଢ଼ୁଛି ।