ସରିଲା ବିଗ୍ ବସର ୧୩ ସିଜନ୍, ବିଜେତା ହେଲେ ‘ଏଙ୍ଗ୍ରୀ ୟଙ୍ଗ୍ ମ୍ୟାନ୍’

ଟେଲିଭିଜନ ଜଗତର ସବୁଠୁ ବଡ଼ ବିବାଦୀୟ ରିଆଲିଟି ସୋ ‘ବିଗ୍ ବସ୍ ୧୩’ର ବିଜେତା ହୋଇଛନ୍ତି ସିଦ୍ଧାର୍ଥ ଶୁକ୍ଲା । ଏହାସହ ଆସୀମ ରିୟାଜ ରହିଛନ୍ତି ୨ୟ ସ୍ଥାନରେ । ଏହି ସିଜନରେ ଆରମ୍ଭରୁ ଶେଷ ପର୍ଯ୍ୟନ୍ତ ଭଲ ପ୍ରଦର୍ଶନ କରିଥିଲେ । ସୋ ର ହୋଷ୍ଟ ସଲମାନ ଏହି ସିଜନର ବିଜେତା ସିଦ୍ଧାର୍ଥ ଶୁକ୍ଲାଙ୍କ ନାଁ ନେଇ ତାଙ୍କୁ ତାଙ୍କ ଟ୍ରଫି ସହ ୫୦ଲକ୍ଷ ଟାଙ୍କ ପୁରସ୍କାର ଦିଆଯାଇଛି ।

ସିଦ୍ଧାର୍ଥା  ଶୁକ୍ଲାଙ୍କୁ ସୋ’ରେ ‘ଏଙ୍ଗ୍ରୀ ୟଂଗ ମ୍ୟାନ’ର ଟ୍ୟାଗ୍ ଦିଆଯାଇଥିଲା । ୧୬୦ ଦିନର ସଫର ପରେ ସିଦ୍ଧାର୍ଥା ଏହି ଟ୍ୟାଗ୍ ପ୍ରମାଣିତ କରି ଏହି ସିଜନର ସମସ୍ତ ପ୍ରତିଯୋଗୀଙ୍କ ସହ ମନ ଭରି ଝଗଡ଼ା ମଧ୍ୟ କରିଥିଲେ । ତେବେ ସିଜନର ଆରମ୍ଭରୁ ହିଁ ସିଦ୍ଧାର୍ଥଙ୍କୁ ସବୁଠୁ ଶକ୍ତିସାଳି ପ୍ରତିଯୋଗୀ ଭାବେ ଦେଖାଯାଉଥିଲା । ସେଥିପାଇଁ ତ ସବୁ ବେଳେ ନୋମିନେଟ ହୋଇମଧ୍ୟ ସିଦ୍ଧାର୍ଥଙ୍କୁ ତାଙ୍କ ଫ୍ୟାନମାନେ ବଞ୍ଚାଇଦିଅନ୍ତି ।  ତେବେ ଘରେ  ଯେଉଁଠି ସିଦ୍ଧାର୍ଥ ଓ ସେହନାଜଙ୍କ ଯୋଡ଼ିକୁ ଖୁବ ପସନ୍ଦ କରାଯାଏ ସେଇଠି ରଶ୍ମି ଓ ସିଦ୍ଧାର୍ଥଙ୍କ ଝଗଡ଼ାକୁ ମଧ୍ୟ ଭଲ ଟିଆରପି ମିଳିଥାଏ । ତେବେ ୧୬୦ ଦିନର ସଂଘର୍ଷ ପରେ ବିଜେତାର ନାଁ ଏବେ ଆସିଯଆଇଛି ।