ପୁରୀ ଶରଧାବାଲିରେ ମନ ମୋହୁଛି ୧୯ତମ ରାଜ୍ୟସ୍ତରୀୟ ଶିଶୁ ମହୋତ୍ସବ

ପୁରୀ ଶରଧାବାଲି ମୁକ୍ତାକାଶ ରଙ୍ଗମଞ୍ଚରେ ୧୯ତମ ରାଜ୍ୟସ୍ତରୀୟ ଶିଶୁ ମହୋତ୍ସବ ଆରମ୍ଭ ହୋଇଥିବା ବେଳେ ଗତକାଲି ଦ୍ୱିତୀୟ ସନ୍ଧ୍ୟାରେ ନୃତ୍ୟ ଗୀତରେ ପ୍ରକମ୍ପିତ ହୋଇଥିଲା ଶରଧାବାଲି ।ଶିଶୁ ମହୋତ୍ସବ ଟ୍ରଷ୍ଟ ପକ୍ଷରୁ ଆୟୋଜିତ ଏହି କାର୍ଯ୍ୟକ୍ରମରେ ଗତକାଲି ବାଣିଜ୍ୟ ପରିବହନ ମନ୍ତ୍ରୀ ଟୁକୁନି ସାହୁ ମୁଖ୍ୟ ଅତିଥି ଭାବେ ଯୋଗଦେଇ ଶିଶୁଙ୍କ ମନରେ ଭାଷା, ସଂସ୍କୃତି ପ୍ରୀତି ବଢିବା ନେଇ ରାଜ୍ୟ ସରକାର କାର୍ଯ୍ୟ କରୁଥିବା କହିଥିଲେ।

ଏହି ମହୋତ୍ସବରେ ରାଜ୍ୟର ବିଭିନ୍ନ ଜିଲ୍ଲାରୁ ପ୍ରାୟ ତିନିଶହ ଶିଶୁ ଅଂଶଗ୍ରହଣ କରି ଚମତ୍କାର ସଂଗୀତ, ନୃତ୍ୟ ଓ ବାଦ୍ୟ ପରିବେଷଣ କରିଥିବା ବେଳେ ଉପସ୍ଥିତ ଦର୍ଶକଙ୍କ ମନ ମୋହି ଥିଲା। ଓଡ଼ିଆ ଘରର ଶିଶୁମାନେ ଓଡ଼ିଶା, ଓଡ଼ିଆ ଭାଷା ଓ ଉତ୍କଳୀୟ ସଂସ୍କୃତିକୁ ଭଲପାଆନ୍ତୁ। ଶିଶୁ ମନରେ ଭାଷା, ଜାତି ଓ ସଂସ୍କୃତି ପ୍ରତି ଶ୍ରଦ୍ଧା ବଢୁଥିବା ବେଳେ ରାଜ୍ୟ ତଥା ଦେଶରେ ନିଜକୁ ପ୍ରତିପାଦିତ କରୁଥିବା କଥା ମୁଖ୍ୟବକ୍ତା ଭାବେ ସକାଳ ଖବରକାଗଜର ପ୍ରକାଶକ ଅମିତ କୁମାର ମଲ୍ଲିକ ଯୋଗଦାନ କରି ମତ ରଖିଥିଲେ।ସମଗ୍ର ଓଡ଼ିଶାର ଶିଶୁ ପ୍ରତିଭାକୁ ନେଇ ଅନୁଷ୍ଠିତ ହେଉଥିବା ଏହି କାର୍ଯ୍ୟକ୍ରମରେ କୁନିକୁନି ଶିଳ୍ପୀ ମାନେ ଚମତ୍କାର ସଂଗୀତ, ନୃତ୍ୟ ଓ ବାଦ୍ୟ ପରିବେଷଣ କରିଥିଲେ।ପରେ ଅତିଥି ମାନଙ୍କ ଦ୍ୱାରା କୁନି କୁନି ପ୍ରତିଭା ମାନଙ୍କୁ ପ୍ରଶଂସା ପତ୍ର ପ୍ରଦାନ କରାଯାଇଥିଲା।