ଢେଙ୍କାନାଳ ଜାତୀୟ ରାଜପଥ ପାଲଟିଛି ମରଣଯନ୍ତା: ୫ ବର୍ଷରେ ଗଲାଣି ୧୯୩୯ ଲୋକଙ୍କ ଜୀବନ
ଢେଙ୍କାନାଳ: ରାସ୍ତା ପାଲଟିଛି ମରଣଯନ୍ତା । ଆମେ କହୁଛୁ ଢେଙ୍କାନାଳ ଜିଲ୍ଲା ଦେଇ ଯାଇଥିବା 3ଟି ଜାତୀୟ ରାଜପଥ କଥା । ବିଶେଷ କରି ଏନଏଚ୍ 55 କଟକ ସମ୍ବଲପୁର ରାସ୍ତାରେ ବଢିବାରେ ଲାଗିଛି ଦୁର୍ଘଟଣା । ରାସ୍ତା ସମ୍ପ୍ରସାରଣ ଓ ନିର୍ମାଣରେ ନିର୍ଦ୍ଧାରିତ ସମୟ ଠାରୁ ଢେର ବିଳମ୍ବ ଯୋଗୁଁ ପ୍ରତିଦିନ ଯାଉଛି ନୀରିହ ଜୀବନ ।
ଡେଥ୍ ଜୋନ୍ ପାଲଟିଛି ଢେଙ୍କାନାଳ ଏନଏଚ୍ ୫୫ ନମ୍ୱର ଜାତୀୟ ରାଜପଥ । ଦିନକୁ ଦିନ ବଢୁଛି ଦୁର୍ଘଟଣା ହାର । 5 ବର୍ଷରେ ଗଲାଣି 1939 ଲୋକଙ୍କ ଜୀବନ । ରାସ୍ତା ନିର୍ମାଣ ଓ ସମ୍ପ୍ରସାରଣରେ ବିଳମ୍ବ ଯୋଗୁଁ ବଢୁଛି ଦୁର୍ଘଟଣା ହାର । ଢେଙ୍କାନାଳ ଜିଲ୍ଲା ଦେଇ ଯାଇଛି ୩ଟି ଜାତୀୟ ରାଜପଥ । ଏଥିମଧ୍ୟରୁ ଦୁର୍ଘଟଣା ପ୍ରବଣ ରାସ୍ତା ହେଉଛି ଏନଏଚ୍ 55 କଟକ ସମ୍ବଲପୁର ଜାତୀୟ ରାଜପଥ । ଦୈନିକ ଏହି ରାସ୍ତା ଦେଇ ଯାତାୟତ କରୁଛି 40 ହଜାରରୁ ଅଧିକ ଗାଡି । ଜାତୀୟ ରାଜପଥକୁ ଲାଗି ରହିଛି ଅନେକ ଛୋଟ ବଡ ଶିଳ୍ପ କାରଖାନା । ଏପରିକି ତାଳଚେରରୁ କୋଇଲା କାମାକ୍ଷନଗର ଭୂବନରୁ କ୍ରୋମାଇଟ୍ ଆଦି ଖଣିଜ ଦ୍ରବ୍ୟ ନିୟମିତ ଗାଡିରେ ପରିବହନ ହେଉଛି । ହେଲେ ରାସ୍ତା ଅବସ୍ଥା ଶୋଚନୀୟ ହୋଇଥିବାରୁ ଅନେକ ସମୟରେ ବହୁ ଦୁର୍ଘଟଣା ହେଉଛି ।
ଗତ 5 ବର୍ଷରେ ଦୁର୍ଘଟଣାରେ ଅନେକ ମୃତ୍ୟୁ ଓ ଆହତ ହୋଇଥିବା ନଜିର ରହିଛି. ଜିଲ୍ଲା ଆଞ୍ଚଳିକ ପରିବହନ ବିଭାଗର ସୂଚନା ଅୁଯାୟୀ 3 ବର୍ଷ ପୂର୍ବରୁ ବ୍ଲାକ୍ ସ୍ପଷ୍ଟ ଚିହ୍ନଟ ହୋଇଥିଲା. ତେବେ ଏଠାରେ ଜାରି ରହିଛି ଭାରିଯାନ ଚଳାଚଳ ଜାରି ରହିଛି. 5 ବର୍ଷରେ ସର୍ବମୋଟ ଦୁର୍ଘଟଣା ସଂଖ୍ୟା 1939 ହୋଇଥିବାବେଳ୍ 976 ଜଣଙ୍କ ମୃତ୍ୟୁ ହେବା ସହ 1558 ଜଣ ଆହତ ହୋଇଛନ୍ତି. ଆଗାମୀ ଦିନରେ ରାସ୍ତା ସମସ୍ୟା ଦୂର ନକଲେ ଆନ୍ଦୋଳନ ବ୍ୟାପକ କରିବାକୁ ଚେବନୀ ଦେଇଛନ୍ତି ଲୋକେ ।
