କରୋନା ଆକ୍ରାନ୍ତ ସାଇ ମନ୍ଦିର ଯାଇ ପ୍ରସାଦ ଖାଇଥିଲେ…
ଭୁବନେଶ୍ୱର: ଆସିଲା ୧୮୮ ନମ୍ବର କରୋନା ଆକ୍ରାନ୍ତଙ୍କ ଟ୍ରାଭେଲ ହିଷ୍ଟି । ମୟୂରଭଞ୍ଜ କପ୍ତିପଦା ପିଙ୍ଗୁର ୩୬ ବର୍ଷୀୟ ଆକ୍ରାନ୍ତ ଜଣକ ସୁରତରୁ ଫେରିଥିଲେ । ୫୫ଜଣ ସହଯାତ୍ରୀଙ୍କ ସହ ବସ ଯୋଗେ ସେ ସୁରତରୁ ଫେରିଥିଲେ ।
ଛତିଶଗଡ଼ ଦେଇ ରାଜ୍ୟକୁ ପ୍ରବେଶ କରିବା ବେଳେ ସୀମାନ୍ତରେ ଥିବା ସାଇ ମନ୍ଦିରରେ ପ୍ରସାଦ ଖାଇଥିଲେ ଆକ୍ରାନ୍ତ । ସେହିପରି ଓଡ଼ିଶା ଫେରିବା ପରେ ପିଙ୍ଗୁ ଠାରେ ଥିବା ସରକାରୀ କ୍ୱାରେଣ୍ଟାଇନ କେନ୍ଦ୍ରରେ ୪ରୁ ୬ ତାରିଖ ଯାଏ ରହିଥିଲେ ।
୬ ତାରିଖରେ ତାଙ୍କ ସ୍ୱାବ ରିପୋର୍ଟ ପଜିଟିଭ ଆସିଥିବା ବେଳେ ତାଙ୍କୁ କଟକ ଅଶ୍ୱିନୀ ମେଡିକାଲରେ ଭର୍ତ୍ତି କରାଯାଇଛି ।
