ହଷ୍ଟେଲ ଛାତରୁ ଡେଇଁ ଛାତ୍ରଙ୍କ ଆତ୍ମହତ୍ୟା

ବମ୍ବେ: ହଷ୍ଟେଲ ଛାତରୁ ପଡ଼ି ଛାତ୍ରଙ୍କ ମୃତ୍ୟୁ । ବମ୍ବେ ଆଇଆଇଟି କ୍ୟାମ୍ପସରେ ଅଭାବନୀୟ ଘଟଣା । ରବିବାର ଅପରାହ୍ନରେ ଛାତ୍ରଜଣଙ୍କ ହଷ୍ଟେଲର ସପ୍ତମ ମହଲା ଛାତରୁ ଡେଇଁ ପଡ଼ିବା ଯୋଗୁ ମୃତ୍ୟୁ ହୋଇଛି । ଜାତିଆଣ ଆକ୍ଷେପ ସହ୍ୟ କରି ନପାରି ସେ ଛାତରୁ ଡେଇଁ ପଡ଼ିଥିବା କୁହାଯାଉଛି । ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ପୋଲିସ ହାତରେ ସୁଇସାଇଡ ନୋଟ ଲାଗି ନଥିବା ବେଳେ ପୋଲିସ ତଦନ୍ତ ଜାରି ରଖିଛି । ମୃତ ଛାତ୍ର ହେଲେ ଅହମ୍ମଦାବାଦର ଦର୍ଶନ ସୋଲଙ୍କି । ତିନି ମାସ ତଳେ ସେ ବମ୍ବେ IITରେ ବି-ଟେକରେ ନାମ ଲେଖାଇଥିଲେ । ସଂରକ୍ଷଣ କୋଟା ଯୋଗେ ନାମ ଲେଖାଇଥିବା ପିଲାମାନଙ୍କୁ କ୍ୟାମ୍ପସ ମଧ୍ୟରେ ଅନେକ ସମୟରେ କମେଣ୍ଟ ମାରୁଥିଲେ । ଯାହା ଫଳରେ ଦଳିତ, ଆଦିବାସୀ ଛାତ୍ରମାନେ ମାନସିକ ନିର୍ଯାତନାର ଶିକାର ହେଉଥିଲେ ବୋଲି କଲେଜର କେତେଜଣ ଛାତ୍ର ଟୁଇଟ କରିଛନ୍ତି ।