ଭୋଟ ପୂର୍ବରୁ ସୋହେଲାରେ ୧୮ ସମିତି ସଭ୍ୟ ପ୍ରାର୍ଥୀ ବିଜୟୀ

ବରଗଡ: ନିର୍ବାଚନ ଆରମ୍ଭ ହୋଇନି ବାଜିମାତ କଲାଣି ବିଜେଡି । ରାଜ୍ୟରେ ପଞ୍ଚାୟତ ନିର୍ବାଚନ ତାତି ଆରମ୍ଭ ହୋଇଛି । ଚୂଡ଼ାନ୍ତ ପ୍ରାର୍ଥୀପତ୍ର ତାଲିକା ପ୍ରକାଶ ପାଇଛି । ମୋଟ ୬୭୯୪ ପଞ୍ଚାୟତ ଓ ୬୭୯୩ ସମିତିସଭ୍ୟ ପଦବୀ ପାଇଁ ପ୍ରାର୍ଥୀ ହୋଇଛନ୍ତି ବିଭିନ୍ନ ଦଳର ସମର୍ଥିତ ସଭ୍ୟ। ସେପଟେ ବାଲାଟ ବକ୍ସରେ ଭୋଟ ନପଡିବା ପୂର୍ବରୁ ବିଜୟୀ ହୋଇଛନ୍ତି ଅନେକ ପ୍ରାର୍ଥୀ  । ଅର୍ଥାତ ନିର୍ଦ୍ୱନ୍ଦରେ ନିର୍ବାଚିତ ହୋଇଛନ୍ତି  । ଏହାରି ଭିତରେ ବରଗଡ଼ ଜିଲ୍ଲା ସୋହେଲାରେ ବିଜେଡି ସମର୍ଥିତ ପ୍ରାର୍ଥୀ ବୀଜୟୀ ହୋଇଛନ୍ତି  ।

ବିଜେଡି ସମର୍ଥିତ ୧୮ ଜଣ ସମିତି ସଭ୍ୟ ପ୍ରାର୍ଥୀଙ୍କ ବିଜୟ ହୋଇଛି । ବିଜୟୀ ସମିତି ସଭ୍ୟ ସଭ୍ୟାଙ୍କୁ ଆଜି ବିଜେଡି କାର୍ଯ୍ୟାଳୟରେ ଫୁଲତୋଡା ଦେଇ ଅଭିନନ୍ଦନ ଜଣାଇଛନ୍ତି ମନ୍ତ୍ରୀ ସୁଶାନ୍ତ ସିଂହ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବିକାଶ ଧାରାକୁ ବଜାୟ ରଖିବାକୁ ସମସ୍ତଙ୍କୁ ପରାମର୍ଶ ଦେଇଛନ୍ତି ମନ୍ତ୍ରୀ । ସବୁବେଳେ ଲୋକଙ୍କ ସେବାରେ ନିଜକୁ ନିୟୋଜିତ ରଖିବାକୁ କହିଛନ୍ତି ସୁଶାନ୍ତ ।

ତୃଣମୂଳ ସ୍ତରରେ ବିଜେଡିର କାର୍ଯ୍ୟଧାରା ସାଧାରଣ ଲୋକଙ୍କୁ ଆକୃଷ୍ଟ କରିଛି  । କେବଳ ଭୋଟର ବିଜୁ ଜନତା ଦଳର ପ୍ରାର୍ଥୀଙ୍କୁ ହିଁ ବିଜୟୀ କରିବାର ନିଷ୍ପତ୍ତି ନେଇଛନ୍ତି  । ସୋହେଲା ବ୍ଲକର ୧୮ ସମିତି ସଭ୍ୟ ପ୍ରାର୍ଥୀଙ୍କ ବଜୟୀ ଦଳର ଲୋକ ପ୍ରିୟତାକୁ ପ୍ରମାଣିତ କରିଛି  ।  ସେପଟେ ସମସ୍ତ ବିଜୟୀ ସଭ୍ୟ /ସଭ୍ୟା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ କୃତଜ୍ଞତା  ପ୍ରଦାନ କରିଛନ୍ତି ।