ପଞ୍ଜାବ କିଙ୍ଗ୍ସ ଆଗରେ ୧୭୫ ରନର ବିଜୟ ଲକ୍ଷ୍ୟ

ନନ୍ଦିଘୋଷ ବ୍ୟୁରୋ: ଆଇପିଏଲ ୨୦୨୪ର ଦ୍ବିତୀୟ ମ୍ୟାଚରେ ସାମନା ସାମନି ହୋଇଛନ୍ତି ଦିଲ୍ଲୀ କ୍ୟାପିଟାଲ୍ସ ଏବଂ ପଞ୍ଜାବ କିଙ୍ଗ୍ସ । ପ୍ରଥମେ ବ୍ୟାଟିଂ କରିଥିବା ଦିଲ୍ଲୀ କ୍ୟାପିଟାଲ୍ସ ନିର୍ଦ୍ଧାରିତ ୨୦ ଓଭର ମଧ୍ୟରେ ୯ ଓ୍ବିକେଟ ବିନିମୟରେ ୧୭୪ ରନ ସଂଗ୍ରହ କରିବାରେ ସକ୍ଷମ ହୋଇଛି । ଦଳ ପକ୍ଷରୁ ସାଇ ହୋପ୍ସ ସର୍ବାଧିକ ୩୨ ରନ ସଂଗ୍ରହ କରିଛନ୍ତି । ତେବେ ଅନ୍ତିମ ୨ ଓଭରରେ ଆଭିଶେକ ପୋରେଲଙ୍କ ଘାତକ ବ୍ୟାଟିଂ ପାଇଁ ଦଳ ଏକ ସମ୍ମାନଜନକ ସ୍କୋର କରିବାରେ ସକ୍ଷମ ହୋଇଛି । ସେପଟେ ଦୀର୍ଘ ୪୫୫ ଦିନ ପରେ କ୍ରିକେଟ ମଇଦାନରେ ନଜର ଆସିଥିବା ଋଷଭ ପନ୍ଥ ୧୩ ବଲରୁ ୧୮ ରନ କରିଛନ୍ତି । ପଞ୍ଜାବ କିଙ୍ଗ୍ସ ଜିତିବାକୁ ନିର୍ଦ୍ଧାରିତ ୨୦ ଓଭର ମଧ୍ୟରେ ୧୭୫ ରନ ସଂଗ୍ରହ କରିବାକୁ ପଡ଼ିବ ।