ନେପାଳରେ ବସ୍ ଦୁର୍ଘଟଣା, ୧୭ ଶ୍ରଦ୍ଧାଳୁଙ୍କ ମୃତ୍ୟୁ

କାଠମାଣ୍ଡୁ: ପଡ଼ୋଶୀ ଦେଶ ନେପାଳରେ ମର୍ମନ୍ତୁଦ ସଡ଼କ ଦୁର୍ଘଟଣାର ମାମଲା ସାମ୍ନାକୁ ଆସିଛି । ମଧ୍ୟ ନେପାଳର କାଭରେପାଲନଚୋକ ଜିଲ୍ଲାରେ ମଙ୍ଗଳବାର ସନ୍ଧ୍ୟାରେ ହୋଇଥିବା ଏକ ସଡ଼କ ଦୁର୍ଘଟଣାରେ ୧୭ ଲୋକଙ୍କ ମୃତ୍ୟୁ ହୋଇଯାଇଛି । କାଭରେପାଲନଚୋକର ଏସପି ଏହାର ସୂଚନା ଦେଇଛନ୍ତି । ସେ କହିଛନ୍ତି ଯେ, ଦୁର୍ଘଟଣାରେ ୧୫ରୁ ଅଧିକ ଲୋକ ଆହତ ହୋଇଛନ୍ତି । ସେମାନଙ୍କୁ ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି କରାଯାଇଛି । ଦୁର୍ଘଟଣା ଟି ସନ୍ଧ୍ୟା ୬ ଟା ୩୦ ସମୟରେ ହୋଇଥିଲା । ଦୁର୍ଘଟଣାର ଶିକାର ହୋଇଥିବା ବସ୍ ଏକ ଧାର୍ମିକ ସମାରୋହରୁ ଆସିଥିବା ଲୋକଙ୍କୁ ନେଇ ଫେରୁଥିଲା । ବେଥନଚୌକ ଗ୍ରାମ ପରିଷଦ-୪ରେ ଚଲଲ ଗଣେଶସ୍ଥାନରେ ଅଚାନର ବସଟି ଦୁର୍ଘଟଣାଗସ୍ତ ହୋଇଥିଲା ।