ହରିଣ ପାର୍କରୁ ଚନ୍ଦକା ଡମପଡା ଅଭୟାରଣ୍ୟକୁ ଆସିଲେ ୧୬୬ଟି ହରିଣ

କଟକ: ହରିଣ ପାର୍କରୁ ଚନ୍ଦକା ଡମପଡା ଅଭୟାରଣ୍ୟର ଅମ୍ବିଲୋକୁ ଆସିଲେ ୧୬୬ଟି ହରିଣ । ଚନ୍ଦକା ଜଙ୍ଗଲ ଆମ୍ବିଲୋରେ ସାଢ଼େ ୩ ଏକର ସ୍ବତନ୍ତ୍ର କରିଡ଼ରରେ ହରିଣଙ୍କୁ ସ୍ଥାନାନ୍ତର କରାଯାଇଛି । ସେହିପରି ଭୁବନେଶ୍ବର ରେଞ୍ଜ ଭରତପୁର ଜଙ୍ଗଲରେ ୨ ଏକର ଜାଗାରେ ୧୧୦ଟି ହରିଣଙ୍କୁ ସ୍ଥାନାନ୍ତର କରାଯାଇଛି । ଏହାକୁ ମିଶାଇ ମୋଟ୍ ୨୭୬ଟି ହରିଣ ଅଣାଯାଇଛି ।

ତେବେ ସେଥିରୁ ୨ଟି ହରିଣଙ୍କର ମୃତ୍ୟୁ ହୋଇଛି । ଶବ ବ୍ୟବଛେଦ ପରେ ମୃତ୍ୟୁର କାରଣ ସ୍ପଷ୍ଟ ହେବ ବୋଲି ଚନ୍ଦକା ଡିଏଫଓ ଶରତ ବେହେରା ସୂଚନା ଦେଇଛନ୍ତି । କଟକ ତୁଳସୀପୁର ମଧୁସୂଦନ ନଗରରେ ଥିବା ହରିଣ ପାର୍କରୁ ଆସିଥିବା ହରିଣଙ୍କୁ ଜଙ୍ଗଲ ସଫାରୀ ବୁଲିବାକୁ ଆସୁଥିବା ପର୍ଯ୍ୟଟକ ଦେଖିବାର ସୁଯୋଗ ପାଇବେ ।