୧୬ ଲକ୍ଷ ଟଙ୍କାର ଠକେଇ ଅଭିଯୋଗରେ ଆସିଷ୍ଟାଣ୍ଟ ବ୍ୟାଙ୍କ ମ୍ୟାନେଜର ଗିରଫ
କଟକ: ଠକେଇ ଅଭିଯୋଗରେ ଗରିଫ ହେଲେ ଆସିଷ୍ଟାଣ୍ଟ ବ୍ୟାଙ୍କ ମ୍ୟାନେଜର ଚନ୍ଦ୍ରଭାନୁ ରାଉତ । କଟକ ଚଣ୍ଡୀ ଛକ ଏସବିଆଇ ଶାଖାରୁ ଜଣେ ଗ୍ରାହକଙ୍କ ୭ ଲକ୍ଷ ଟଙ୍କାର ଦୁଇଟି ସ୍ଥାୟୀ ଜମା ଓ ସେଭିଂ ଆକାଉଣ୍ଟ ଜମା ମିଶାଇ ମୋଟ ୧୬ ଲକ୍ଷରୁ ଅଧକ ଟଙ୍କା ଠକେଇ ଅଭିଯୋଗରେ ଗିରଫ ହୋଇଛନ୍ତି ଚନ୍ଦ୍ର ଭାନୁ ।
ଗିରଫ ଚନ୍ଦ୍ର ଭାନୁଙ୍କ ଠାରୁ ଗୋଟିଏ କାର ଓ ଗୋଟିଏ ସ୍କୁଟି ଜବତ କରିଛି ପୋଲିସ । ଠକେଇର ଶିକାର ହୋଇଥିବା ଗ୍ରାହକ ଗୀତାଞ୍ଜଳି ଦାସ ପ୍ରଥମେ ଏ ସମ୍ପର୍କରେ ବ୍ୟାଙ୍କକୁ ଜଣାଇଥିଲେ । ପରେ ବ୍ୟାଙ୍କର ଶାଖା ପରିଚାଳକ ପୋଲିସରେ ଏତଲା ଦେଇଥିଲେ । ଅଭିଯୁକ୍ତ ଚନ୍ଦ୍ର ଭାନୁଙ୍କୁ କୋର୍ଟ ଚାଲାଣ କରାଯାଇଥିବା ଜଣପଡ଼ିଛି ।
