ଭୁବନେଶ୍ୱର: ରାଜ୍ୟ ସମେତ ରାଜଧାନୀରେ ମଧ୍ୟ ବଢ଼ିବାରେ ଲାଗିଛି କରୋନା ସଂକ୍ରମଣ । ସୋମବାର ପୁଣି ରାଜଧାନୀରୁ ୧୫୯ ଜଣ କରୋନା ସଂକ୍ରମିତ ଚିହ୍ନଟ ହୋଇଛନ୍ତି । କ୍ୱାରେଣ୍ଟାଇନ୍ ସେଣ୍ଟରରୁ ୧୧୮ ଜଣ ଚିହ୍ନଟ ହୋଇଥିବା ବେଳେ ୪୧ ଜଣଙ୍କର ରହିଛି ଲୋକାଲ କଣ୍ଟାକ୍ଟ । ସେପଟେ କରୋନା ସଂକ୍ରମଣ ବଢ଼ୁଥିବା ବେଳେ ସୁସ୍ଥ ସଂଖ୍ୟା ସମସ୍ତଙ୍କ ମଧ୍ୟରେ ଆଶ୍ୱସ୍ତି ଆଣି ଦେଇଛି । ଆଜି ଭୁବନେଶ୍ୱରରୁ ୧୦୨ ଜଣ କରୋନା ରୋଗୀ ସୁସ୍ଥ ହୋଇଛନ୍ତି । ଭୁବନେଶ୍ୱରରେ ମୋଟ କରୋନା ସଂଖ୍ୟା ୨୧୫୦ ରେ ପହଞ୍ଚିଛି । ସେଥିମଧ୍ୟରୁ ୧୦୧୧ ଜଣ ସୁସ୍ଥ ହୋଇଥିବା ବେଳେ ୧୨ ଜଣଙ୍କର ମୃତ୍ୟୁ ହୋଇଛି । ଏବେ ୧୧୨୫ ଜଣ କରୋନା ସଂକ୍ରମିତ ସକ୍ରିୟ ରହିଛନ୍ତି ।
୪୧ ଜଣ ଲୋକାଲ କଣ୍ଟାକ୍ଟଙ୍କ ମଧ୍ୟରୁ ଓଲ୍ଡ ଟାଉନରୁ ୧, ଝାରପଡ଼ାରୁ ୨, ଭିଏସ୍ଏସ୍ ନଗରରୁ ୧, କଳିଙ୍ଗନଗରରୁ ୧, ଜାଗମରାରୁ ୨, ଓଲ୍ଡ ଟାଉନ ଜଗନ୍ନାଥ ମଠ ଲେନରୁ ୧, ମଞ୍ଚେଶ୍ୱରରୁ ୧, ଡ଼ୁମୁଡ଼ୁମାରୁ ୧, ସରକାରୀ ଡାକ୍ତରଖାନାରୁ ୧, ଆଇଗିଣିଆରୁ ୧, ଲକ୍ଷ୍ମୀସାଗରରୁ ୨, ନୟାପଲ୍ଲୀରୁ ୪, ଜାଭିୟର ସ୍କୋୟାର ପାଖରୁ ୧, ନିଳାଦ୍ରୀ ବିହାରରୁ ୧, ତ୍ରୀନାଥ ନଗରରୁ ୧, ଗଙ୍ଗନଗରରୁ ୩, ସାଲିଆ ସାହିରୁ ୭, ଶୈଳଶ୍ରୀବିହାରରୁ ୩, ସିରିପୁରରୁ ୨ ଏବଂ ଯୟଦେବ ବିହାରରୁ ଲୋକାଲ କଣ୍ଟାକ୍ଟ ଥିବା ସଂକ୍ରମିତ ଚିହ୍ନଟ ହୋଇଛନ୍ତି ।
